لە کەرکوک سزای ئەو کەسە درا کە هەڕەشەی لە ژنێک کردبوو
دادگای تاوانه‌كانی كه‌ركوك به تاوانی هەڕەشەکردن لە ژنێک و بڵاوكردنه‌وه‌ی وێنه‌كانی له تۆڕه كۆمه‌ڵایه‌تیه‌كان سزای شه‌ش ساڵ زیندانی بۆ تۆمه‌تبارێك ده‌ركرد.
ناوەندی هەواڵ
ئەمڕۆ ٥ی ئەیلوول، دادگای تاوانه‌كانی كه‌ركوك له‌ڕاگه‌یه‌ندراوێكدا بڵاویكرده‌وه، تۆمه‌تبارێك له‌به‌رئه‌وه‌ی، ژنێک ئاماده نه‌بووه داواكاریه‌كانی جێبه‌جێبكات، هه‌ڵساوه به تۆماركردنی وێنه و گرته‌ی ڤیدیۆیی ژنەکەو پاشانیش له‌ڕێگه‌ی تۆڕه كۆمه‌ڵایه‌تییه‌كانه‌وه بڵاوی كردووەته‌وه.
دادگای تاوانه‌كانی كه‌ركوك ئاماژه‌ی به‌وه‌شكرد، دوای سه‌لماندنی به‌ڵگه و دۆكیۆمێنته‌كان له دژی تۆمه‌تبار، دادگا به پشتبه‌ستن به بڕگه‌كانی مادده‌ی ۱/٤۳۰ی یاسای سزادانی هه‌مواركراوی ژماره ۱۱۱ی ساڵی ۱۹٦۹ بڕیاری تاوانباركردنی بۆ ده‌ركرد و به شه‌ش ساڵ زیندانیكردن سزا درا.