گەلی مەخموور ماوەی ١٣ ڕۆژە لە دژی گەمارۆکان بەرخۆدان دەکات
ژنان و گەنجان و منداڵان لەناو گەلی کامپی پەنابەرانی شەهید ڕۆستەم جودی "مەخموور" بۆ ماوەی ١٣ ڕۆژە لە بەرامبەر هەوڵەکانی سوپای عێراق بۆ گەمارۆدانی کامپەکە بە شەو و ڕۆژ بەرخۆدان دەکەن.
مەخموور
سوپای عێراق لە ٢٠ی ئایارەوە هەوڵدەدات کامپی پەنابەرانی شەهید ڕۆستەم جودی "مەخموور" بە تەل گەمارۆ بدات، لەبەر ئەم هۆکارە، سەدان سەرباز و ئۆتۆمبێلی زرێپۆشی بۆ دەوری کامپەکە ناردووە، سوپای عێراق تا ئێستا لەسەر ئەو داواکارییەی سوورە، لە بەرامبەردا ژنان، گەنجان و منداڵان و بە گشتی گەلی مەخموور، لە ڕۆژی ١٣یەمدا بەردەوامن لە بەرخۆدان.
خەڵکی مەخموور بۆ ماوەی ١٣ ڕۆژە چادرێکی بەرخۆدانیان دامەزراندووە و شەو و ڕۆژ بەبێ هیچ وەستانێک لە بارودۆخی کەشوهەوای گەرمدا ئێشکگری چادرەکەیان دەکەن و بەرخۆدانیان بەردەوامە.