ناوەندی هەواڵ

 

بارودۆخی سەختی ئابووری، نەبوونی سەنتەری پەروەردەیی نزیک لە دەوروبەری شارەکان، زیادبوونی کرێی تۆمارکردن بووەتە هۆی ئەوەی زۆرێک لە منداڵان واز لە خوێندن بهێنن، بەرزبوونەوەی تێچووی جلوبەرگ و کەلوپەلی نووسین و ئەو کرێیانەی کە لەلایەن قوتابخانەکانەوە بۆ تۆمارکردن و دابینکردنی خزمەتگوزاری پەروەردەیی لە هەندێک لە قوتابخانە گشتییەکاندا دابین دەکرێن، ئازاری خێزانە هەژارەکانیان خراپتر کردووە، بۆ ئەوان زەحمەت بووە کە پەروەردەی منداڵەکانیان بکەن و ڕێژەی وازهێنان لە خوێندن لە هەندێک شار و پارێزگای ئێران و ڕۆژهەڵاتی کوردستان زیادی کردووە.

 

هەروەها نەبوونی سەنتەری پەروەردەیی لە دەوروبەری شارەکان یەکێکە لە هۆکارەکانی وازهێنان لە قوتابخانەکان، چونکە زەحمەتە بۆ هەندێک خێزان منداڵەکانیان بگەیەننە قوتابخانە دوور لە ناوچەکانیان، هەروەها بەهۆی تێچوونی زۆری خزمەتگوزارییەکانی گواستنەوە و قوتابخانە، خێزانەکان ناتوانن قوتابخانەیەک هەڵبژێرن دوور لە شوێنی نیشتەجێبوونیان. 

 

بەڕێوەبەرایەتی گشتی هەڵسەنگاندن و وەڵامدانەوەی کارەکان ڕایگەیاند، ٧٣%ی خوێندکارانی پۆلی یەکەم تا کۆتایی کاتی تۆمارکردنی خوێندن تۆمارکراون، ئەم ئامارە بەو مانایە دێت کە ٢٧%ی ئەو منداڵانەی کە بڕیاربوو لە ساڵی نوێی خوێندندا دەست بە خوێندنی سەرەتایی بکەن هێشتا تۆمار نەکراون و ٧٥%ی هاوڵاتیانی بیانی لە پۆلی یەکەمی قوتابخانەی سەرەتایی هێشتا لە قوتابخانەدا تۆمار نەکراون.

 

بەپێی ڕاگەیەندراوەکەی وەزارەتی پەروەردە، کە لە ساڵی نوێی خوێندنەوە دەست پێدەکات، ئەو خوێندکارانەی ئێرانی نین پێویستە کۆدی تۆمارکردن وەربگرن، بەڵام هەندێک خێزان ئاگاداری ئەم یاسا نوێیە نین و جیاوازی نێوان ڕێکخراوی نیشتمانی کۆچ و پەروەردە هۆکارێکی دیکەیە لە کێشەکانی تۆمارکردنی ئەو خوێندکارانە.

 

مەعسومە نەجەفی بازوکی، جێگری وەزیری پەروەردەی سەرەتایی لە وەزارەتی پەروەردە وتی: لە مانگی ئابی ئەمساڵدا،  ١٦٠ هەزار خوێندکاری ئێرانی وازیان لە خوێندن هێناوە لە ئاستی سەرەتایی کە پۆلی یەک بۆ شەشی تێدایە.