ناوەندی هەواڵ

 

ئەندامانی دەم پارتی لە کۆمیسیۆنی دیموکراسی، خوشک-برایەتی و یەکگرتنی نەتەوەیی دەربارەی کۆتا دوو کۆبوونەوەی کۆمیسیۆن ڕاگەیەندراوێکی بڵاوکردەوەو تێیدا هاتووە: لە چوارچێوەی چارەسەری دیموکراتیکانەی پرسەکاندا هەنگاو دەنرێت و هەنگاوەکانیش تەنها لە ئەندامانی کۆمیسیۆندا سنووردار نابێت. بەمە دەزانین و لەو باوەڕەداین ئەو بەشداریانەی کە چاوەڕێی دەکەین دەبێتە هۆی بەهێزکردنی دامەزراندنی سیستەمی سەروەری یاسا و دیمورکراسی.

 

هەرچەندە ڕەنگە هەندێک جیاوازی لە پێناسە و پێشنیارەکانی سەرۆکەکانی سەندیکای پارێزەران سەبارەت بە کاری کۆمیسیۆن هەبێت، بەڵام هیوامان ئەوەیە کە یەکێتی سەندیکای پارێزەران و هەموو ئەو سەندیکای پارێزەرانەی کە لە کۆمیسیۆن قسەیان کردووە و گوێیان لێ گیراوە، بەشداری پێویست بکەن لە چاکسازییە یاساییەکان.

 

لە درێژەی ڕاگەیاندراوەکەدا هاتووە: "پێشنیارەکانی سەرۆکی پێشووی پەرلەمان، وەک؛ جێبەجێکردنی دادپەروەری کاتی تێپەڕبوون، هەموارکردنەوەی یاسای جێبەجێکردن، بە هێزکردنی ئازادی ڕادەربڕین، هەڵوەشاندنەوەی ئەو یاسایانەی ڕێگە بە سەپاندنی قەیومەکان دەدەن، جێبەجێکردنی بڕیارەکانی دادگای مافەکانی مرۆڤی ئەورووپا و مافی هیوا، جێبەجێکردنی بڕیارەکانی دادگای دەستووری بنەڕەتی، فراوانکردنی پێناسەی هاوڵاتیبوون و سەرڕاستکردنەوەی لەسەر بنەمای هاوڵاتیبوونی یەکسان گونجاون. ئەم نزیکایەتییە لە ئاستێکی مێژووییدا گونجاوە کە پرسی کورد بە تێگەی پرسێکی ئەمنی هەڵسەنگاندنی بۆ نەکرێت، هۆکارە ڕیشەییەکانی پرسەکە لەناوببرێن و کەشێکی چارەسەری دیموکراتیک بئافرێنرێت.

 

لە کۆتایی ڕاگەیەندراوەکەدا ئاماژە بە گرنگی زمانکراوە و هاتووە: کورتە ئەنجامی گوێگرتن لێمان لە ماوەی دوو ڕۆژی کۆتاییدا ئەوەیە؛ لە چوارچێوەی عەقڵی چارەسەریی و هەستی لێکتێگەیشتن، بۆ داهاتوویەکی یەکسان، دادپەروەر، ئازاد، دیموکراتیکی گەلانی وڵات هەوڵ بدرێت و زمانێک بەو پێیە بەکاربهێنرێت. لە بیری ناکەین کە فرەچەشنیمان دەوڵەمەندیمانە؛ زمانی دایکی هەریەکێک لە ئێمە دەبێت ببێتە زمانی ئاشتی.