ناوەندی هەواڵ

 

بەڕێوەبەرایەتی پۆلیسی دارستان و ژینگەی پارێزگای سلێمانی ڕایگەیاند کە بە هۆکارێکی نادیار، لە دوو ڕۆژی ڕابردوودا ئاگر لە سنوری گوندی گەڕەدێ و کانی شێخان لە شارباژێر کەوتووەتەوە و بە هۆیەوە ١٥ دۆنم پووش و پاوان سووتاون.

 

بە پێی ڕاگەیەندراوێکی بەڕێوەبەرایەتی پۆلیسی دارستان و ژینگەی پارێزگای سلێمانی، ئاگرەکە لەلایەن بنکەی پۆلیسی دارستانی سیتەك و ئاگر کوژێنەوەی ناحیەی سیتەك و خەڵکی ناوچەکەوە کۆنتڕۆڵکراوە.

 

لە بارەی زیانەکانیشەوە بەڕێوەبەرایەتییەکە ئاماژەی بەوەداوە، کە  نزیکەی ١٥ دۆنم پووش و پاوان و دەیان داری سروشتی سووتاون، هاوکات توانیان چەندین ڕەز و باخی هاووڵاتیان لە سووتان بپارێزن.