ناوەندی هەواڵ

 

فیدراسیۆنی مافی مرۆڤی سووریا و ٩٨ دامەزراوە و ڕێکخراوی مافی مرۆیی سووریا راگەیانداراوێکیان بڵاوکردەوە و بە توندی هێرش و تاوانەکانی دەوڵەتی تورکیایان دژی خەڵکی مەدەنی لە باکوور و ڕۆژهەڵاتی سووریا شەرمەزار کرد.

 

لە ڕاگەیاندراوەکەدا ڕێکخراوەکان هۆشدارییان داوە لەوەی ئەم هێرشانە مەترسی گەڕانەوەی چەتەکانی داعش زیاتر دەکەن.

 

لە ڕاگەیەندراوەکەدا ئەم داواکاریانەی خوارەوە پێشکەش بە ڕێکخراو و دامەزراوە نێودەوڵەتییەکان کران:

* ڕاگرتنی هەموو کردەوەیەکی توندوتیژی و کوشتن لە سووریا و ناوچە کوردنشینەکان.

*هێزەکانی تورکیا و گروپە پەیوەندیدارەکان بەبێ مەرج لە هەموو ناوچەکانی سووریا دبکشێنەوە.

*دیاریکردنی دۆخی ئەو کەسانەی کە لەلایەن دەوڵەتی تورکیا و گروپە سەر بە دەوڵەتەکانیەوە ڕفێنراون و دەستبەجێ ئازادکردنیان.

* ڕاگرتنی سیاسەتەکانی کۆچی زۆرەملێ و گۆڕینی دیمۆگرافی.

*چارەسەرکردنی کێشەی کورد بەشێوەیەکی دادپەروەرانە و دیموکراسیانە لە چوارچێوەی دەستووری سووریادا.

٭ پەرەپێدانی کولتوری هاوڵاتیبوون و هاوسەنگی و ئاشتی ناوخۆیی بۆ زامنکردنی یەکڕیزی کۆمەڵگەی سووریا.