ناوەندی هەواڵ

 

لە ڕۆژی ٢٧ی ئەیلوولەوە بارینی بارانی بەخوڕ لە نیپاڵ دەستیپێکردووەو بووەتە هۆی دروستبوونی لافاو.

 

بەرپرسانی وڵاتەکە ئاماژەیان بەوەکرد، تەرمی زیاتر لە ٣٥ کەسیان لەناو سێ پاس و ئۆتۆمبێل لە نزیک شاری کاتماندوو دەرهێناوە، ئەوە لەکاتێکدایە بەهۆی گیرانی رێگەکانەوە سەرنشینەکانیان خەوتبوون و چەند بەردێک بەهۆی داڕووخانی شاخەوە بەسەر ئۆتۆمبێلەکان کەوتوون.

 

ریشی رام، وتەبێژی وەزیری ناوخۆی وڵاتەکە وتوویەتی: سەرنجمان لەسەر ڕزگارکردنی ئەوانەیە لە ڕێگە سەرەکییەکان گیریان خواردووە، لە چەند ڕۆژی ڕابردوودا زیاتر لە چوار هەزار کەسمان رزگارکردووە. 

 

ژمارەیەک لە ڕێگاکان داخراون و کارەبا و ئینتەرنێت لە چەندین ناوچەی وڵاتەکە پچڕاون هەروەها خوێندنگەو زانکۆکان داخراون.