ناوەندی هەواڵ

 

گۆڤاری "سی ۆڵدی" ئەمریکی لە ڕاپۆرتێکیدا ئاماژەی بەوەکردووە، لەکاتێکدا جیھان پێشکەوتنی گەورەی لە زۆربەی بوارەکاندا بەدەستھێناوە، بەڵام گەندەڵی ئەو نەخۆشیە کوشندەیەیە کە تائێستاش ھەڕەشەیەکی مەترسیدارە لەسەر وڵاتانی جیھان و بووەتە ھۆی لەبەریەک ھەڵوەشاندنەوەی کۆمەڵگەکان.

 

ئاماژە بەوەشکراوە، زۆربەی وڵاتانیش سەرەڕای گرتنەبەری ڕێکاری زۆر توند، بەڵام نەیانتوانیووە بە تەواوی بەسەریدا سەرکەون کە زیانی زۆری بە کەرتی ئابووری و کۆمەڵایەتی گەیاندووە.

 

گۆڤارە ئەمریکییەکە ریزبەندی بۆ ٣٠ گەندەڵترین وڵاتی جیھان کردووە و بەپێی ریزبەندییەکەش سۆماڵ لە پلەی یەکەمدایە و گەندەڵترین وڵاتی جیھانە کە بەرهەمی ناوخۆیی تاکەکەسی ٥٤٤ دۆلارە، لە دوای ئەویش سووریا دێت، کە بەرهەمی ناوخۆیی سەرتاسەری تاکەکەسی ٥۳۳ دۆلارە، سوودانی باشوور پلەی سێیەمی بەدەستهێناوە و بەرهەمی ناوخۆیی سەرتاسەری تاکەکەسی ۳۲٦ دۆلارە.

 

ڕیزبەندییەکە دەرخەری ئەوەیە کە عێراق پلەی ٢٣یەمی گرتووە، لوبنانیش لە پلەی ٢٨دایە، بەیروتیش رووبەڕووی خراپترین قەیرانی دارایی بووەتەوە، لە ئەنجامی گەندەڵی سیستمی بانکیدا.