ناوەندی هەواڵ

 

دوو ڕۆژنامەنووس کە لە زیندانی ئەڤین دەستگیرکراون، بە تۆمەتی ڕاپۆرتکردنی کوشتنی ژینا ئەمینی لە ساڵی ڕابردوودا، سزای زیندانیکردنیان بەسەردا سەپێندرا.

 

ئاژانسی هەواڵی میزان لە ناوەندی ڕاگەیاندنی دادوەری ئێران ئەمڕۆ یەکشەممە ٢٢ تشرینی یەکەم ڕایگەیاند، نیلوفەر حەمیدی ڕۆژنامەنووس لە ڕۆژنامەی "ئەلشرق"، ئیلاهە محەمەدی، ڕۆژنامەنووس لە ڕۆژنامەی "هوم میهن" ئێلھا کە هەواڵی کوشتنی ژینا ئەمینی بڵاوکردەوە و وێنەی لە کۆمادا گرتووە، لەلایەن لقی ١٥ی دادگای شۆڕشەوە لە تاران سزای زیندانیکردنیان بەسەردا سەپێندراوە.

 

ئیلاهە محەمەدی بە تۆمەتی "هاوکاریکردن لەگەڵ ئەمەریکا"، بە ٦ ساڵ زیندانی، بە تۆمەتی "پیلانگێڕی دژی ئاسایشی نیشتمانی" بە ٥ سال زیندانی و ساڵێکیش بە تۆمەتی "پڕوپاگەندە دژی کۆماری ئیسلامی" سزا درا.

 

هەروەها نیلوفەر حەمیدی بە تۆمەتی "هاوکاریکردن لەگەڵ ئەمەریکا" بە ٧ ساڵ زیندانی سزادرا، بە تۆمەتی "پیلانگێڕی دژی ئاسایشی نەتەوەیی" بە ٥ ساڵ، هەروەها ساڵێکیش بە تۆمەتی "پڕوپاگەندە دژی کۆماری ئیسلامی" سزا درا، میزان ئاماژەی بەوەدا کە دەکرێت لە ماوەی ٢٠ ڕۆژدا پێداچوونەوە بە سزاکان بکرێت.

 

نیلوفەر حەمیدی تەمەن ٣٦ ساڵ ڕاپۆرتێکی بۆ ڕۆژنامەی "ئەلشرق"ی ئێرانی ئامادەکردبوو لەو نەخۆشخانەیەوە کە ژینا ئەمینی تێیدا گواسترایەوە کاتێک کەوتە کۆماوە بۆ ماوەی سێ ڕۆژ پێش گیان لەدەستدانی، لە کاتێکدا ڕۆژنامەنووس ئیلاهە محەمەدی تەمەن ٣١ ساڵ لە ڕۆژنامەی "هوم میهن" ڕۆیشت بۆ سەقز بۆ ڕاپۆرتکردنی مەراسیمی ناشتنی ژینا ئەمینی.

 

ئەوە لە کاتێکدایە دەسەڵاتی دادوەری ئێران ڕۆژی ١٧ی تشرینی یەکەم سزای یەک ساڵ زیندانی بەسەر پارێزەرەکەی ژینا ئەمینیدا سەپاند دوای ئەوەی لەگەڵ میدیا بیانی و ناوخۆییەکان قسەی کرد بە تۆمەتی "پڕوپاگەندە دژی دەوڵەت" تاوانباری کرد.