ناوەندی هەواڵ

 

٢٠ی نیسان  تویتەر ئەو نیشانە شینانەی لابرد کە بۆ ماوەیەکی زۆر لەسەر پڕۆفایلی هەندێک لە بەکارهێنەران بوون، لە نێو ئەو کەسانەی کە بەهۆی نەدانی پارەی بەشداریکردن لەم دەرفەتە بێبەش بوون، ناوی کەسانی ناودار دەبینرێت.

 

ئاژانسی فرانس پرێس ڕایگەیاند کە، جگە لەم کارە، تویتەر ناوی "میدیای سەر بە حکومەت" و "میدیای دارایی حکومەت"ی لە لاپەڕەی میدیای ئەمریکی "ڕادیۆی گشتی نیشتمانی ناسراو بە NPR" یان میدیای کەنەدی لابردووە.

 

ئەمەش بەو مانایەیە کە ڕۆژنامەنووسان و کەسایەتییە ناودارەکان و بەکارهێنەرانی بەناوبانگی دیکە کە ڕەتیانکردەوە مانگانە هەشت دۆلار بدەن بۆ بەشداریکردن لە خزمەتگوزاری "تویتەری شین"، نیشانە شینەکەی تەنیشت ناوەکەیان لە ئەپلیکەیشنەکەدا لەدەستدا.

 

نیشانەیەکی شین لە تەنیشت ناوی کەسێک لە تویتەر بەو مانایەیە کە پلاتفۆرمەکە پشتڕاستی دەکاتەوە کە ئەکاونتەکە هی ئەو کەسە یان کۆمپانیایە کە بانگەشە دەکات، لە مانگی ئازاردا، کاتێک بەکارهێنەرێک کە تیکێکی شین لە سیستەمی کۆنەکەی تویتەردا وەرگرتبوو، چووە ناو تویتەرەوە، پەیامێکی پێگەیشت کە داوای لێکردبوو نیشانەی ڕەسەنایەتی خۆیان بهێڵنەوە بە ناو تۆمارکردن لە تویتەر بلو و پێدانی پارە.