ناوەندی هەواڵ

 

ڕووەکی کاردی یەکێکە لە ڕووەکە ڕەسەنەکانی ناوچەی باشوری ڕۆژئاوای زاگرۆس سەر بە بنەماڵەی گوڵ شەیپوورییە، گیایەکی وەرزییە و لە کۆتایی وەرزی زستان و سەرەتای بەهار پەیدا دەبێت، بەپێی سەرچاوە کشتوکاڵییەکان نزیکەی ٢٠٠٠ جۆری هەیە.

 

کاردی ڕوەکێکی گەڵا پان و نوکدارە گەڵاکانی درێژ و بریقەدارن، بەشە سوود بەخشەکەی لە گەڵا بەهاراتییەکەیدایە، لە کاتی کوڵاندنیدا بە چەند شێواز جیاواز ئامادە دەکرێت و بە یەکێک لە خواردنە باوەکان دادەنرێت.

 

لە گرنگی دەرمانی ئەم ڕووەکە، دەتوانین باس لە چارەسەرکردنی نەخۆشیەکانی وەک چەوری خوێن، پاستانی خوێن، هەوکردن، شەکرە، زەردووی و شێرپەجەی خوێن، بە کاڵی نابێت بەکاربهێنرێت بەهۆی ئەوەی ژەهراوییە و دەبێتە هۆی دروستبوونی برین لەسەر زمان.

 

گەڵاکەی سیمایەکی گەرمی هەیە، دژە بەکتریایە و شەربەتەکەی بە یەکێک لە خۆراکە گونجاوەکان دادەنرێت، بۆ ئەو کەسانەی تووشی هەڵامەت بوون، هەروەها ئازاری دڵ و سەرئێشە کەم دەکاتەوە بە پاککردنەوەی خوێن، ڕۆڵێکی گرنگ دەگێڕێت لە ڕێگری کردن لە نەخۆشیەکانی دڵ و خوێنبەرەکان، هەروەها چارەسەرێکی باشە بۆ ئاڵۆزییەکانی شەکرە و کەمکردنەوەی ئەگەری تووشبوون بە نەخۆشی شەکرە.

 

ئەم گیایە وەک دەرمانێکی بە نرخ لە کوردستان بەکاردێت بۆ خۆپاراستن و چارەسەرکردنی هەندێک لە جۆری نەخۆشی شێرپەنجە و بەتایبەت شێرپەنجەی خوێن، کاردی جگە لە تامە خۆشەکەی تایبەتمەندە و دەوڵەمەندە بە بە ڤیتامین بی کۆمپلێکس، ئەو کەسانەی ئازاری گەدەیان هەیە، ڕینمایی دەکرێن بە بەکارهێنانی ئەم ڕووەکە، جگە لە بەهێزکردنی کۆئەندامی دەمار ئارەزووی خواردن زیاد دەکات و ڕێگەی لە کەمخەوی و نائارامی دەگرێت، هەروەها ئەو چەوریەی کە تێیدایە کۆئەندامی هەرس بەهێز دەکات و چالاکییەکانی ڕیخۆڵەکان باشتر دەکات.

 

شێوازی دروستکردنی کاردی

جۆی نیوە وردکراو لەگەڵ (مەعجوونی جۆ) و ئاو، هێلکەی سەوزی وشک یان وردکراو و سیری توێکڵکراو تێکەڵ دەکرێت لەگەڵ کاردی و بۆ ماوەی یەک یان دوو ڕۆژ لە شوێنێکی گەرمدا دەهێڵرێتەوە، بەشێکی وەک مەعجوون دەهێڵرێتەوە و ئەوەی تری لەسەر بڵێسەی ئاگرەکە تێکەڵ دەکرێت، تاوەکو بە باشی دەکوڵێت و دوای ئەوەی دەکوڵێت، لەگەڵ نانی تیری دەخورێت.