ناوەندی هەواڵ

 

ڕۆژی هەینی ٣ی حوزەیران "عەلی خان محەمەدی" وتەبێژی بارەگای "فرمان بە چاکە و نەهی لە خراپە" ڕاگەیاندنی یاسای حیجابی بۆ ژنان لەلایەن وەزیری ناوخۆوە بۆ سەرجەمی دامودەزگاکان ڕاگەیاند و وتی: "پێویستە ئەم یاسایە لە قۆناغی  یەکەمی دەزگاکانی حکومەتدا دەستپێبکات و تەواوی کۆمەڵگا لە قۆناغی دواتردا بگرێتەوە".

 

عەلی خان محەمەدی وتیشی: "جێبەجێکردنی قۆناغی یەکەمی پلانی گشتگیری حیجاب لەلایەن وەزارەتی ناوخۆوە ڕاگەیەندراوە و بەرپرسیارێتی بارەگای جێبەجێکارەکەشی بەناوی بارەگای ١٢ی تەمموزەوە گەیەندراوەتە بارەگای فرمان بە چاکە و نەهی لە خراپە، قۆناغی یەکەمی جێبەجێکردنی ئەم یاسایە لەلایەن دامودەزگاکانی حکومەتەوە دەستپێدەکات و دواتر سەرجەمی کۆمەڵگا لە خۆدەگریت".

 

عەلی خان محەممەدی ڕاشیگەیاند: "دوای ڕاگەیەندراوەکە، بەیاننامەیەک بۆ بەرپرسانی سەرتاسەری وڵات و تەنانەت پارێزگارەکانیش نێردراوە و هەمووان ئاگاداری پێکهاتەکانی ئەم پلانەن، هەروەها تایبەتمەندییەکانی پاکی و حیجاب بە ژن ڕاگەیەندراوە و لەمەودواش هیچ پاساوێک نییە بۆ جێبەجێنەکردنی یاسا و دەبێت دەسەڵاتدارانی هەر دامەزراوەیەک پەیوەندی بکەن و سەرپەرشتی جێبەجێکردنی بکەن و هەرکەس پێشێلی بکات سزای یاسای وەردەگرێت".

 

هەر لە سەرەتای دامەزراندنییەوە ڕژێمی ئیسلامی ئێران هەمیشە کار لەسەر ژنان دەکات و پاساو دەدۆزێتەوە بۆ سەرکوتکردن و پەراوێزخستنی ژنان لە هەموو بوارەکانی ژیاندا.