ناوەندی هەواڵ

 

ڕۆژی یەکشەممە، ١ی ئایار بەرەی بەرگری نەتەوەیی ئەفغانستان لە ماڵپەڕی فەرمی خۆیدا ڕایگەیاند، دوو ژن کە چەکیان هەڵگرتووە لە شاری تالە و بەرفک لە پارێزگای باغلان لە باکوری ئەفغانستان لە شەڕی دژی تاڵیباندا کوژراون.

 

لە ڕاگەیەندراوەکەدا هاتووە، لە ئەنجامی شەڕ و پێکدادانەکان لە نێوان هێزەکانی بەرگری و تاڵیباندا، لە شارەکانی تالە و برفک لە پارێزگای باغلان چوار سەربازی تاڵیبان کوژراون و دوو ژنی ئەفغانی کە لە پشتیوانی هێزەکانی بەرەی بەرگری چەکیان هەڵگرتبوو، کوژران و هاوژینی یەکێکیشیان بە سەختی بریندارە.

 

ئەمە یەکەمجارە ژنان لە پشتیوانی هێزەکانی بەرەی بەرگری بە سەرۆکایەتی ئەحمەد مەسعود چەک هەڵدەگرن و دژی تاڵیبان دەجەنگن.