ناوەندی هەواڵ

 

ئێوارەی دوێنێ مەیار عومەر کازمی دوو ساڵان دەگەیەنرێتە نەخۆشخانەی ئازادی شاری کەرکوک، ئاسەواری لێدان و ئەشکەنجە و برین بە جەستە و ڕوویەوە دیاربوو، دوای لێکۆڵینەوەکان دەرکەت لەلایەن دایکی دووەمی مەیار عومەرەوە لێی دراوە و ئەشکەنجە دراوە.

 

بەڕێوەبەرایەتی پۆلیسی کەرکوک ڕایگەیاند بەهۆی ڕووداوەکەوە باوکی منداڵەکە و دایکی دووەمی دەستگیرکراون و لێکۆڵینەوە لە رووداوەکە دەستیپێکرد، بەپێی وتەی بەڕێوەبەرایەتی پۆلیسی کەرکوک مەیار عومەر کازم لە ئێستادا لە ژێر چاودێری پزیشکیدایە و لەلایەن چاودێری کۆمەڵایەتی و پۆلیسەوە دوو کەسی بۆ دابینکراوە بەردەوام لەگەڵیدا دەبن.

 

ڕاشیانگەیاند، تاوەکو منداڵەکە لە نەخۆشخانە نەچێتە دەرەوە هیچ بڕیارێک لەبارەی پێدانەوەی بە خێزانەکەی نادرێت.