هەڵەبجە

 

ئەمڕۆ لە شاری هەڵەبجە به‌ڕێوه‌به‌رایه‌تی چاودێری كۆمه‌ڵایه‌تی و پارێزگای هه‌ڵه‌بجه‌ و ڕێكخراوه‌كانی ژنان هه‌ڵمه‌تی ١٦ ڕۆژەی به‌ره‌نگاربوونه‌وه‌ی توندوتیژی دژی ژنانیان ڕاگەیاند و لە ماوەی هەڵمەتەکەدا چەندین چالاکی هۆشیاری بەڕێوە دەچێت.

 

به‌فراو حەمە ڕەوف، مامۆستا لە بەشی یاسای زانکۆی هەڵەبجە و ئەندامی گروپی کاری پاریزگای هەڵەبجە وتی: وه‌كو به‌ڕێوه‌به‌رایه‌تییه‌كانی هه‌ڵه‌بجه ‌و پارێزگای هه‌ڵه‌بجه‌ و ئه‌ندامانی گروپی كار سه‌رپه‌رشتی كاره‌كان ده‌كه‌ین و هەڵمەتەکانمان لە قوتابخانە و ناوەندەکانی پەروەردە و دادگاكان و پۆلیس و ئاسایش بەڕێوە دەچن و چە‌ندین خولی هۆشیاری ساز دەکرێت،

 

بەفراو حەمە غەریب، باسی لەوە کرد، کە چالاکییەکان كاریگه‌ری لەسەر هۆشیاری کۆمەڵگە دەبێت، چونكه‌ هاوڵاتیان ئاشنای یاسا بەرکارەکانی توندوتیژی نین و ئەو توێژانەی کە خوله‌كان ده‌بینن ئاشنای یاساكان ده‌بن.

 

ئەمڕۆ لە هەرێمی کوردستان بە چالاکی جۆراوجۆر دەستپێکی چالاکییەکانی هەڵمەتی ١٦ ڕۆژەی بەرەنگاربوونەوەی توندوتیژی دژی ژنان دەستی پێکرد و بڕیارە لە ماوەی دوو هەفتەدا لە شار و شارۆچکەکان هۆشیاری لەسەر بەرەنگاربوونەوەی توندوتیژی دژی ژنان بڵاودەکرێتەوە.