ناوەندی هەواڵ  

 

کامپی هۆل لە حەسەکەی باکوورو ڕۆژهەڵاتی سووریا خێزانەکانی چەتەکانی داعش کە خەڵکی وڵاتانی جیاوازن تێیدا دەژین و بە مەترسیترین کامپ دادەنرێت، خۆبەڕێوەەبەری چەندین جار داوای لە وڵاتان کردووە هاوڵاتیانی خۆیان کە نیشتەجێی کامپەکەن بگەڕێننەوە وڵاتەکانیان.

 

لە چوارچێوەی هەماهەنگی نێوان خۆبەڕێوەبەری دیموکراتیکی باکوور و ڕۆژهەڵاتی سووریا و لیژنەی ئاسایش و لیژنەی کۆچ و کۆچبەرانی عێراق، دوێنێ ٩ی ئادار لە بەشی یەکەمی کامپی هۆل کە تایبەتە بە کۆچبەرانی عێراقی کاروانێک لە خێزانەکان گەڕێندرانەوە بۆ عێراق.

 

ئەو کاروانە لە ١٥٩ خێزان پێکدێن و ژمارەیان ٦٢٢ کەسە، لە ڕۆژانی داهاتووشدا گەڕانەوەی خێزانەکانی تر بەردەوام دەبێت.