ناوەندی هەواڵ

 

وریشە مورادی، ئەندامی کۆمەڵەی ژنانی ئازادی ڕۆژهەڵاتی کوردستان "کژار" لە ١ی ئاب لەلایەن هێزەکانی ڕژێمی ئێرانەوە ڕفێندراو و دەستگیرکرا، وریشە مورادی، نزیکەی ٧٠ ڕۆژە هیچ زانیارییەک دەربارەی نییە، لە زیندانی سانێ لە سنە دەستگیرکراوە و ئەشکەنجە دراوە.

 

خێزانەکەی تەنها یەک جار توانیویانە بیبینن

بەگوێرەی بەیاننامەیەکی تۆڕی مافەکانی مرۆڤی کوردستان، وریشە مورادی لە مانگی ئابدا ڕەوانەی زیندانی ئەڤین لە تارانی پایتەختی ئێران کراوە، لە بەیاننامەکەدا هاتووە: لەو ماوەیەدا وریشە مورادی تەنها یەک جار خێزانەکەی بینیوەو ڕێگەی پێنادرێت لەگەڵ پارێزەرەکەیدا کۆببێتەوە.

 

لە بەیاننامەکەدا هاتووە: وریشە مورادی ئەندامی کژار دوای دەستبەسەرکردن ڕەوانەی بەڕێوەبەرایەتی هەوڵگری ئیران "ئیتلاعات" کرا لە سنە، دوای ئەوەی بۆ ماوەی نزیکەی دوو هەفتە دەستگیرکرا و ئەشکەنجەدرا، لە کۆتایی مانگی ئابدا، لە سنەوە گواسترایەوە بۆ زیندانی ئەڤین لە تاران، لە ٨ی تشرینی یەکەم، ئاژانسی بێتاوان لە وەزارەتی ئیتلاعات دەستگیرکردنی سێ کەسی ڕاگەیاند کە ئەندامی کژارن و یەکێک لەوان وریشە مورادییە.