ناوەندی هەواڵ  

 

ڕۆژی جیهانی بەرەنگاربوونەوەی بازرگانیکردن بە مرۆڤ لە ٣٠ تەمموزی هەموو ساڵێکدا بەڕێوەدەچێت، بازرگانیکردن بە مرۆڤ و کۆیلایەتی مۆدێرن کێشەیەکی گەورەیە لە جیهاندا لەگەڵ ژمارەیەکی کەم لەو وڵاتانەی کە بەرگرییان لە بازرگانیکردن بە مرۆڤەوە هەیە، ئەم ڕۆژە لەلایەن نەتەوە یەکگرتووەکانەوە بۆ بەرزکردنەوەی هۆشیاری و زیادکردنی ڕێگریکردنە لەو جۆرە بازرگانییە.

 

کێشەیەکی جیهانی وەک بازرگانیکردن بە مرۆڤ پێویستی بە چارەسەرێکی جیهانی هەیە، بۆیە نەتەوە یەکگرتووەکان ڕۆژی جیهانی دژ بە بازرگانیکردن بە مرۆڤ ڕێکدەخات، بۆ بەرزکردنەوەی هۆشیاری و بەدەستهێنانی پشتیوانی بۆ ڕێگریکردن لە بازرگانیکردن بە مرۆڤەوە.

 

ماف و ناسنامەیان لەدەست دەدەن

هەموو ساڵێک هەزاران ژن و منداڵ و پیاو، لە دەستی بازرگانەکاندا دەبن، زۆرجار لە ڕێگەی فێڵکردن و هەڵخەڵەتاندن بۆ ئەوەی باوەڕ بەوە بکەن کە ئەوان دەبردرێن بۆ کاروباری دارایی خێزانەکانیان باشتر دەکەن یان لە ڕێگەی هێزەوە، ڕفاندن، یان تەنانەت لە ڕێگەی خێزانێکی زۆر هەژارەوە کە منداڵیان دەفرۆشن بۆ ئەوەی بژین، زۆر ڕێگا هەیە بۆ ئەوەی خەڵک لە بازرگانیکردن بە مرۆڤەوە دەستگیر بکرێن، بەڵام ئەنجامەکە هەمان شتە، ئەوان ماف و ناسنامەی خۆیان لەدەستدەدەن و خراپ بەکاردەهێندرێن ئەمەش کێشەیەکی جیهانییە.

 

ژنان سێ هێندە زیاتر تووشی جۆرە توندوتیژەکانی بازرگانیکردن بە مرۆڤەوە دەبن 

ژنان سێ هێندە زیاتر تووشی جۆرە توندوتیژەکانی بازرگانیکردن بە مرۆڤەوە دەبن وەک هەڕەشە، توندوتیژی دەرونی و جەستەیی، تەنانەت توندوتیژیی توند.

 

ئەنتۆنیۆ گۆتێرێز، سکرتێری گشتی نەتەوە یەکگرتوەکان لە پەیامێکدا، کە لە ٢١ی تەمموزدا بڵاوکرایەوە، هۆشداری لە دۆخی قوربانیانی بازرگانیکردن بە مرۆڤەوە دا و وتی: لە زۆربەی حاڵەتە ناسراوەکاندا ئەوانەی بازرگانییان پێوە دەکرێت ژن و منداڵن، کە بەشێکی زۆریان قوربانی توندوتیژی دڕندانە و کاری زۆرەملێ و ترسناکیی و دەستدرێژی سێکسین.

 

بەپێی ئامارەکانی ڕێکخراوی نێودەوڵەتی کار، ناوچەی ئاسیا و زەریای هێمن زۆرترین ژمارەی ئەو کەسانەی لە کاری زۆرەملێدا هەیە، کە ١٥ ملیۆن کەسە، لە وڵاتانی عەرەبی خاوەنی ژمارەی پێوانەیین، کە زۆرترین ڕێژەی خەڵک لە کۆیلایەتیدان بە بەراورد بە ژمارەی دانیشتوانیان، واتا ٥.٣ لە هەر هەزار کەسێک.