ناوەندی هەواڵ

 

 ئەمڕۆ لە شەنگال وۆرکشۆپێک لە ژێر ناوی "چارەسەركردنی كێشەكانی عێراق لەناو سیستمی نەتەوەی دیموكراتی" بە بەشداری ژمارەیەكی بەرچاو لە نووسەر، ڕۆشنبیران، سیاسەتمەدار و نوێنەری پێكهاتە ئایینییەكان لە باشووری كوردستان و شارەكانی تری عێراق لە هۆڵی ئازادی لە سەنتەری شارۆچكەی شنگال بەڕێوەچوو.

 

وۆركشۆپەكە، كە لەلایەن خۆبەڕێوەبەری شنگال ڕێكخرابوو، کە ژمارەیەكی بەرچاو لە ڕێکخراو و دامەزراوەکان، نووسەر، ڕۆشنبیر، سیاسەتمەدار و نوێنەری پێكهاتە ئایینییەكان لە باشووری كوردستان و شارەكانی تری عێراق بەشدارییان كردبوو.

باسکردن لە گرنگی خۆبەڕێوەبەری ناوچەكە یەکێک بوو لە تەوەرە سەرەکییەکانی وۆرکشۆپەکە، کە بەڕێوەچوونی هاوکاتبوو لەگەڵ خەبات و تێکۆشانەکان لە دژی گۆشەگیری سەر ڕێبەری گەلی كورد، عەبدوڵا ئۆجالان و بە ئامانجی بەهێزكردنی كەمپەینی “كات كاتی ئازادییە”، تێكۆشان و زنجیرە چالاكییەكانی خۆبەڕێوەبەری شنگال بەردەوامە.

 

لە سەرەتای وۆركشۆپەكەدا، غەزەل ڕەشۆ، هاوسەرۆكی بەڕێوەبەری شنگال ڕایگەیاند، باسکردنی ئەو كێشانەی لە عێراق و ناوچەكە بوونی هەیە، هەروەها گفتوگۆکردن دەربارەی نەتەوەی دیموكرات مایەی دڵخۆشییە.

 

بولبول جەراح، بە نوێنەرایەتی ئەو شاندەی لە بەغداوە ئامادەی ۆركشۆپەكە بوون ئاماژەی بەوەدا کە خاکی عێراق هەموو لە ململانێ و شەڕەوە بگرە تا كۆمەڵكوژی بە درێژای مێژوو بۆ چەندین جار ئەزموونی کردووە و گەلی عێراق ڕووبەڕووی هەموو شتێك بووەتەوە.

 

لە ڕێكخراوی تەیار بەغداد، شاندێك لە باشووری عێراقەوە ڕایگەیاند، پێویستە حكومەتی عێراقی ڕەچاوی مافەكانی پێكهاتە نەتەوەیەكان بكات و دەبێت قبوڵی خۆبەڕێوەبەری بكات، هەروەها لەسەر ناوی هۆزە عەرەبییەكان.

 

نەتەوەی دیموکراتیک وەک ڕێگا چارەسەری بۆ كێشەكانی عێراق، ناساندنی خۆبەڕێوەبەری، ئامانجی سەرەكی وۆركشۆپەكەیە و لەو چوارچێوەیەشدا، سیمینار لەسەر گرنگی و ڕۆڵی خۆبەڕێوەبەری، نەتەوەی دیموكراتی، ژنان و گەنجانی ئێزدی پێش و دوای فەرمان و گرنگی پاراستنی كۆمەڵگە بەڕێوەبچێت.