ناوەندی هەواڵ

 

لە مانگی شەشەمی شۆڕشی ژینا و دوای بڵاوبوونەوەی بانگەوازی ئازادیخوازان بۆ ڕاپەڕینی بەربڵاو لە چلەی شەهیدان، محەمەد حوسێنی و محەمەد مەهدی کرمی، دوو کەس لە سێدارەدراوەکانی شۆڕشی ئەم دواییە، شەوی ڕابردوو خۆپیشاندەران هاتنە سەر شەقامەکان و لە کاتی ڕێزگرتن لە یادی مردووەکان، توڕەیی و بێزاری خۆیان لە ڕژێمی ئێران ڕاگەیاند.

 

لە شارەکانی سنە، مەهاباد، لوڕستان، خوڕەماباد، جوانڕۆ، قروە، کامیاران، دێهگۆلان، بانە، بۆکان، ورمێ، ئیلام، کرماشان و شارەکانی دیکە، ئازادیخوازان هاتنە سەر شەقامەکان و بە داگیرساندنی ئاگر، سووتاندنی شەقامەکانیان کۆنترۆڵ کرد لافیتەی حکومەت و وتنەوەی دروشمیان ڕایگەیاند کە بەردەوام دەبن لە ڕاپەڕینیان تا گەیشتن بە ئازادی.

 

لە سیستان و بەلوچستان، دێزاپ، تاران، ئەسفەهان، مەلایەر، کەرەج، یەزد، ڕەشت، ئیزە، شیراز، مەشهەد، قوم، هورمزگان، ئەلبورز، بوشێهر، قەزوین، ئەراک و چەند شارێکی دیکە، خۆپیشاندەران بە بەربەستی ڕێگاوبانەوە، هاوار دەکەن بە دروشم، سوتاندنی بنکەکانی بەسیج، بەڕێوەچوونی ڕێوڕەسمی چلەی لە سێدارەدراوەکان و دانانی وێنەکانیان لە ناوچە جیاجیاکانی شارەکان خوازیاری ڕووخاندنی ڕژێمی ئێران بوون.

 

باس لەوەش کراوە کە لە شیراز هێزە ئەمنییەکان بە بەکارهێنانی سپرا و مادەی ترش هەوڵی کپکردنی ناڕەزایەتییەکانیان داوە و لە چەند شارێکی دیکەش لەوانە ئیزە و دێزاپ پێکدادان لەنێوان هێزە ئەمنییەکان و خۆپیشاندەران ڕوویداوە.