ناوەندی هەواڵ

 

کۆمەڵەی مافی مرۆڤ-IHD توندوتیژی دژی دایکانی شەممە کە دەیانویست بەرەو گۆڕەپانی گەلاتەسەرای ڕێپێوان بکەن و ڕێگریکردنیان لە زۆرێک لە شارەکان شەرمەزار کرد.

 

ئیزمیر

لقی کۆمەڵەی مافی مرۆڤی ئیزمیر بەمەبەستی پشتیوانی لە دایکانی شەممە، لێدوانێکی دا، دروشمی "ئەوەی لەدەستچوو ویژدانە، ئاگاداری بە" بەدەستەوە گیرابوو، هاوکات لەگەڵ ئەندامان و سەرکردەکانی پارتی دیموکراتی گەلان-هەدەپە، هاوڵاتییەکی زۆر پەیوەست بوون بەو ڕاگەیاندنە.

 

زیلان گوموش، هاوسەرۆکی لقی کۆمەڵەی مافی مرۆڤی ئیزمیر ڕایگەیاند، دەقی بەیاننامەکەی دایکانی شەممەی خوێندەوە و وتی:" ئەو کەسانەی هەوڵی چەوساندنەوەمان دەدەن بە نادادپەروەری و فشار و توندوتیژی زۆر باش دەزانن کە ئێمە وازناهێنین، ئێمە هاوار دەکەین بۆ ئازادی، دەچینە سەرووی یاسا، دەڵێین دیموکراسی و کار بۆ بەرژەوەندی هاوبەشی کۆمەڵگە دەکەین، قسەی ئێمە دەسەڵاتی ئێمەیە، بێدەنگ نابین."

 

وان

هەروەها قەدەغەکردنی دایکانی شەممە لە شاری وان شەرمەزار کرا، لە کاتێکدا پارێزگاری وان بڕیاریدا بۆ ماوەی دوو ڕۆژ چالاکییەکان قەدەغە بکات، پۆلیس ئەم بڕیارەی وەک بیانوو نیشان دا و نەیهێشت لێدوان بدرێت، بەهۆی ئەمەوە خەڵکێکی زۆر لەبەردەم لقی کۆمەڵەی مافی مرۆڤی وان کۆبوونەوە، بەڵام پۆلیس بە زۆر هاتنە ژوورەوە، ئەو پۆلیسانەی دەرگای چوونە ژوورەوەی کۆمەڵەکەیان گرتبوو، ڕێگەیان نەدا کەس بچێتە ژوورەوە و دەربچێت، هەروەها ڕێگە بە ڕۆژنامەنووسان نەدەدرا وێنە بگرن.

 

فیرات دورماز، لێپرسراوی لقی کۆمەڵەی مافی مرۆڤ لە وان، لە ناوەڕاستی گەمارۆدانی پۆلیسدا لێدوانێکی دا و بڕیاری پێشێلکاری دادگای دەستووری بۆ دایکانی شەممەی وەبیرهێنایەوە.

 

ئەدەنە

لقی کۆمەڵەی مافی مرۆڤی ئەدەنە ویستی لێدوانێک بدات، بەڵام پارێزگاری ئەدەنە بیانووی هێنایەوە و ڕێگریکرد، "بەشێک لە ڕێگاکە ڕێگری لە چوونە ژوورەوە و دەرچوونی خەڵک و ئۆتۆمبێل دەکات"، ئەندامانی کۆمەڵەی مافی مرۆڤ کە لە پارکی ئینۆنو کۆبوونەوە و لەلایەن پۆلیسەوە گەماڕۆدران.

 

یاقوپ ئاتاش، بەرپرسی لقی کۆمەڵەی مافی مرۆڤ لە شاری ئەدەنە، لە بەیاننامەکەدا قسەی کرد و ڕایگەیاند: "ئێمە نە بەردمان بەدەستەوەیە و نە چەکمان بەدەستەوەیە". ئێمە دەمانەوێت مافە یاساییەکانمان بەکاربهێنین.

 

لە ئەنجامی هێرشەکەدا ڕۆژنامەنووسێک بریندار بوو

هەروەها لە کاتی دەستێوەردانی پۆلیسدا، پەیامنێر حمدوڵڵا یاگز کێسنیش کەوتە سەر زەوی و سەری بەر کۆنکرێتەکە کەوت، پاشان گواسترایەوە بۆ نەخۆشخانە.

 

ڕەحا​

هەروەها لقی کۆمەڵەی مافی مرۆڤی ڕەحا کۆنگرەیەکی ڕۆژنامەوانی لە بینای کۆمەڵەکە ئەنجامدا، سکرتێری لقەکە، سۆنگول ئارپا، لە کۆبوونەوەکەدا قسەی کرد و وتی: ئێمە بەدوای ونبووەکانماندا دەگەڕێین و داوایان لێدەکەین لێپرسینەوە لە کارەکانیان بکەن.