ناوەندی هەواڵ

 

سەردانی شاندی پەرلەمانتارانی کەتەلۆنیا، کە پێکهاتوون لە ڕۆبن ڤاگنسبێرگ، پەرلەمانتار و کارلێس ئەلبێرت، سەرۆکی پارتی یەکێتی گەل، لە باکوور و ڕۆژهەڵاتی سووریا بۆ پشتیوانی لە خەڵکی ڕۆژئاوای کوردستان بەردەوامە. ئەمڕۆ شاندەکە سەردانی ناوەندی یەکینەکانی پاراستنی ژنان-یەپەژەیان کرد و لەگەڵ ڕووهەڵات عەفرین، فەرماندەیی گشتیی یەپەژە و ڕوکسەن محەمەد، وتەبێژی یەپەژە و ئەندامانی ئەنجومەنی سەربازی یەپەژە ئەڤیندار دێرک و دەستینا حەلەب کۆبوونەوە و پێشهاتەکانی ئەم دواییەیان تاوتوێ کرد.

 

لە دانیشتنی شاندی کەتەلۆنی و فەرماندەکانی یەپەژەدا هەڕەشەکانی سەر شۆڕشی ژنانی ڕۆژئاوا تاوتوێ کرا. جگە لەمەش لەگەڵ ڕووخانی ڕژێمی بەعس، ئەو هێزە جیهادیانەی کە پێشتر دەستیان بەسەر ناوچەکەدا گرتووە، هەڵسەنگێندرا کە چۆن کاریگەرییان لەسەر ئایندەی سیستمی حوکمڕانی سووریا دەبێت.

 

"ئەرکی ئێمە پاراستنی ژنان و کۆمەڵگەیە لە مەترسییەکان"

ڕوهەڵات عەفرین، فەرماندەی گشتی یەپەژە ڕایگەیاند، بەرخۆدان لە دژی هێرشە داگیرکارییەکان مێژووییە و چارەنووسی خەڵکی ناوچەکە دیاری دەکات و وتی: ڕۆژهەڵاتی ناوەڕاست دیزاین دەکرێتەوە، هەر بۆیە دەستێوەردانەکان زۆرن، بەتایبەتی لەسەر سووریا، هێز و چەتە نیمچە سەربازییەکان لە پلاندانانی ناوچەکەدا بەکاردەهێنرێن. ئەمەش مەترسی گەورە لە ڕووی ئاسایشی ناوچەکە و داهاتووی کۆمەڵگە و ژنانیشەوە دروست دەکات. وەک یەپەژە ئامانج و ئەرکی ئێمە پاراستنی ژنان و پێکهاتەکانە لەم هەڕەشانە. هێرشکردنە سەر ژنان بە مانای لەناوبردنی کۆمەڵگەیە. بۆ نموونە لە کابینەی حکومەتی نوێی دیمەشقدا جێگایەک بۆ ژنان نییە، بە تایبەت لەگەڵ هێرشەکانی لەشکرکێشی تورکیا بۆ سەر ناوچەی باکوور و ڕۆژهەڵاتی سووریا، سەرهەڵدانەوەی داعشیش لە ڕۆژەڤدایە. چونکە شانەکانی داعش لەم جۆرە کاتانەدا دەرفەتی خۆڕێکخستن دەدۆزنەوە و ئەمەش مەترسییەکی نوێ بۆ هەموو جیهان دروست دەکات.

 

"سیستەمی کارگێڕی ئۆتۆنۆم پڕۆژەیەکی گرنگە"

پەرلەمانتار و سەرۆکی یەکێتیی گەل، کارلێس ئەلبێرت، ڕایگەیاند، وەک گەلی کەتەلۆنیا پشتیوانی لە دۆزی حەقی خەڵکی ڕۆژاڤا دەکەن و سەرنجی بۆ مەترسی لەسەر دەستکەوتەکانی شۆڕشی ڕۆژاڤا ڕاکێشا و وتی: "پێویستە بۆ". جەماوەر وریا بن لە هێرشە داگیرکارییەکانی سەر ڕۆژاڤا و بوەستن سیستەمی خۆبەڕێوەبەری پڕۆژەیەکی گرنگە بۆ کورد و عەرەب و تەواوی ناوچەی ڕۆژهەڵاتی ناوەڕاست. ئەم سیستەمە بۆ هەموو جیهانیش پێویستە”.

 

ڕۆحیلات ئەفرین فەرماندەی گشتی یەپەژە بە ناوی هەموو هێزی یەپەژە و بە تایبەت ئەو شەڕڤانانەی لە بەرەکانی خۆڕاگری لە دژی هێرشی گرووپە جیهادییەکان و دەوڵەتی داگیرکەری تورکیا دەجەنگن، سوپاسی خەڵکی کەتەلۆنیای کرد و ڕایگەیاند کە لە پرۆسەیەکی وادا مەترسی و… گرنگ ئەوەیە دڵسۆزی ژنان و خەڵکی کەتەلۆنیا بۆ بەرخۆدانی ڕۆژاڤا و پشتیوانیان جێگای شانازییە.