قامیشلۆ

 

دەوڵەتی تورک بەردەوامە لە هێرشەکانی بۆ سەر باکوور و ڕۆژهەڵاتی سووریاو پاشنیوەڕۆی دوێنێ ١١ی شوبات، فڕۆکەیەکی بێفڕۆکەوانی دەوڵەتی تورکیا بینای فیدراسیۆنی کەمئەندامانی سەنگەری لە باکوور و ڕۆژهەڵاتی سووریای کردە ئامانج، ئەمڕۆ بە پێشەنگایەتی ڕێکخراوی کۆنگرەی ستار، دانیشتووانی قامیشلۆی باکوور و ڕۆژهەڵاتی سووریا ڕێپێوانێکی بەکۆمەڵیان ڕێکخست و هێرشەکەیان شەرمەزار کرد، ڕێپێوانەکە بە بەشداری دەیان کەس لە دانیشتووان و هەموو ڕێکخراوەکانی ژنان لە چوارڕیانی شەهید نوبار ئۆزانیان دەستیپێکرد و لەبەردەم بینای فیدراسیۆنی کەمئەندامانی سەنگەر لە باکوور و ڕۆژهەڵاتی سووریا وەستا.

 

"کەس ناتوانێت ئیرادەمان بشکێنێت"

دوای خولەکێک ڕێزگرتن لە شەهیدانی ئازادی، شاها خەلیل، ئەندامی کۆردیناسیۆنی کۆنگرەی ستار وتی: هێرشەکەی دوێنێی دەوڵەتی تورکیا هێرشێکی دڕندانە بوو بۆ سەر فیدراسیۆنی کەمئەندامانی سەنگەری باکوور و ڕۆژهەڵاتی سووریا، ئەم فیدراسیۆنە بۆ پاراستنی هەرێمەکانی باکوور و ڕۆژهەڵاتی سووریا لە دژی داعش بەشێکی گیانیان بەخشی.

 

شاها خەلیل، هیوای چاکبوونەوەی بۆ بریندارەکان خواست و وتی : بۆ هەموو یاسا نێودەوڵەتییەکان و مافەکانی مرۆڤ، دەوڵەتی تورکیا ئەو یاسایانە پێشێل دەکات و هێرش دەکاتە سەر کەمئەندامانی سەنگەری باکوور و ڕۆژهەڵاتی سووریا، دەوڵەتی تورک هێرش ئەنجام دەدات چونکە لە سیاسەتی ناوخۆیی و دەرەکیدا شکستی هێناوە، بەڵام هەرگیز ناتوانێت ئیرادەمان بشکێنێت، هیوای زوو چاکبوونەوە بۆ بریندارەکان دەخوازین.

 

ڕێپێوانەکە بە دروشمی "بژی بەرخۆدانی ڕۆژئاوا" کۆتایی هات.