بێریڤان ئیناتچی

 

 حەسەکە- دوای ئەوەی چەتەکانی هەتەشە لە ئیدلبەوە هێرشی کردە سەر شاری حەلەب، دەوڵەتی تورکیا و چەتەکانی هێرشیان کردە سەر شەهبا و تل ڕەفعەتیش،  هەزاران کەس لە عەفرین کە بەهۆی داگیرکارییەوە ئاوارە بوون، لە شەهبا و تل ڕەفعەت دەژیان، بەپێی داتا فەرمییەکان، ۱۲۰ هەزار دانیشتووی عەفرین و دانیشتووانی تیل ڕەفعەت لە ناوچەی ژێر گەمارۆدانی چەتەکانی دەوڵەتی تورکیا بەرەو ناوچە ئارامەکانی ئیدارەی خۆبەڕێوەبەریی دیموکراتیکی باکوور و ڕۆژهەڵاتی سووریا هەڵاتوون.

 

 ١٤ هەزار و ٣٠٤ خوێندکار لە شەهبا ئاوارە بوون

 لە لایەک شەڕ و دەرئەنجامە سەختەکانی بەردەوامە، لە لایەکی دیکەوە پەروەردە بەردەوامە، بەهۆی هێرش و داگیرکارییەوە هەزاران منداڵ ئاوارە بوون، پرۆسەی خوێندنیان بەربەستی لەبەردەم بوو، بەشێکیشیان نەیانتوانی درێژە بە خوێندن بدەن، بەپێی ئامارەکان، ١٤ هەزار و ٣٠٤ خوێندکاری خەڵکی شەهبا کۆچیان کردووە،  هەروەها زۆرێکیان ناتوانن درێژە بە خوێندن بدەن.

 

 خوێندنگەی شەهید ئاڤێستا بوو بە پەناگە و خویندنگە

 زۆرێک لە خێزانە کۆچبەرەکان لە ماڵەکاندا نیشتەجێ بوون، بەڵام هێشتا هەندێک خێزان لە خوێندنگەدا بەردەوامن لە ژیانیان، خوێندنگەی شەهید ئاڤێستا لە شاری حەسەکە لە کانتۆنی جزیرە یەکێکە لەو خوێندنگانەی بووەتە پەناگەیەک بۆ کۆچبەران و شوێنی خوێندن بۆ قوتابیان.  

 

 دوو دیوی بەرخۆدان لە هەر ڕیزێکدا

 خوێندنگە بووەتە شوێنی پەروەردە بۆ هەموو ئاستەکانی خوێندن، لەم پۆلانەدا چەندین وانە دەخوێنرێت، ئەو خێزانانەی لە شەهباوە کۆچیان کردووە لە بەشێک لە پەناگەکاندا دەمێننەوە، لە لایەکی ترەوە لە هەندێک پۆلدا خوێندکار و مامۆستا بە وردی وانە دەڵێنەوە و گوێ دەگرن، خوێندنگەکە کە ١٧ پۆلی خوێندنی تێدایە، لە پۆلی یەکەمەوە تا ١١ی بنەڕەتی خوێندن پێشکەش دەکات، لەبەر ئەوەی پۆل زۆر نییە، خوێندکارانی بەشی ژنۆلۆژی پۆلەکانیان لە گۆشەیەکی حەوشەی قوتابخانەکەدایە، سەرەڕای سەختییەکانیان، ئەو نەوانەی کە لە ڕێگەی پەروەردەی ئێستایانەوە ئایندەی شۆڕشی ژنان لە قاڵب دەدەن، بە وردی گوێ لە وانەکانیان دەگرن.

 

 ژیانی ڕۆژانە لە ڕیزەکانی تردا بەردەوامە کە ١٥ خێزان تێیدا نیشتەجێ بوون، بەیانیان دایکان هەڵدەستن و کارەکانی ڕۆژانەیان ئەنجام دەدەن، منداڵان لە حەوشەی خوێندنگە یاری دەکەن و ڕەوتی ژیانی ڕۆژانە بەردەوامە، ١٥ خێزان بە نۆرە خواردن لەسەر ئەو سۆبەی کە لە خوێندنگەکەدا دابین کراوە دەکوڵێنن، زۆرجار، هەموو ژنان هەرچی ژیان فڕێی دەداتە سەریان پێکەوە ئەنجامی دەدەن، لە چێشت لێنانەوە تا جل شۆردن، ئەو ژنانەی لە شەهباوە کۆچیان کردووە، دەستی یەکدەگرن و پێکەوە بارگرانی ژیان لەسەر شان دەگرن.

 

بەرخۆدانی خوێندکاران و مامۆستایانیش دیارە

 هێرش و داگیرکارییەکان هەوڵ دەدەن ئاستەنگ لە بواری پەروەردەدا دروست بکەن، وەک لە زۆر لایەنی دیکەی ژیاندا، بۆ ئەوەی خوێندن ڕابوەستێنێت، بەڵام وەک خوێندنگە شەهیدمان دا، قوتابی و مامۆستاکانیش لەناو بەرخۆداندان، هەر ەک ئەو خێزانانەی کە بەهێۆی هێرشە داگیرکارییەکانەوە ئاوارەبوون، چونکە سنوورەکانی وەک بوون پلەبەندییەکی ڕێک و پێک و ڕێکخراو ناناسن، ئەوان هەموو گۆشەیەکی خوێندنگەکە یان هەر شوێنێک کە دەتوانن دابنیشن تێیدا دەگۆڕن بۆ فەزای پەروەردەیی.

 

 بۆیە دەکرێت لە یەک شوێن دوو لایەنی بەرخۆدان ببینرێت ئەویش خوێندنگەی شەهید ئاڤێستایە

 هەرچەندە ئێمە وەک خوێندنگەیەک دەستمان پێکرد و ویستمان ئەم ڕاستییە دووپات بکەینەوە، بەڵام دەزانین کە ١٣ ساڵی شۆڕشی ژنان لە هەموو ڕوویەکەوە بە بەرخۆدان دیاری کراوە، پڕە لە نموونەی لەم جۆرە.