ناوەندی هەواڵ

 

ڕێبەری گەلی کورد عەبدوڵا ئۆجالان نامەیەکی ئاراستەی کۆمەڵگەی ئێزدی کرد.

 

نامەکەی عەبدوڵا ئۆجالان بۆ پێکهاتەی ئێزیدی بەم شێوەیەیە:

"مێژووی گەلی ئێزدی ئێمە مێژوویەکی وایە؛ شایەتحاڵی کۆمەڵکوژی و گۆشەگیری و ستەم و ئازاری گەورە بووە، پێدەچێت بەم قۆناغ و تاقیکردنەوەدا تێپەڕیبێت، ئێزدییەت یەکێکە لە بیروباوەڕە کۆنەکان و کۆنترین کۆمەڵگەکانی میزۆپۆتامیا، ئەوان باجێکی زۆریان داوە بۆ پاراستنی کولتوور و ناسنامە و بوونیان، ئەو کارەساتە و ئەو فەرمانانەی بەسەریاندا سەپێندراون بە قووڵی بوون، نەک تەنها لە ویژدانی گەلەکەماندا، بەڵکو لە ویژدانی هاوبەشی مرۆڤایەتیشدا چەسپاوە.

 

بە درێژایی مێژوو ڕووبەڕووی هێرش بوونەتەوە، بەڵام سەرەڕای هەموو شتێک، لە ڕێگەی بەرخۆدانەوە بوونیان پاراستووە. لە سەدەی ڕابردوودا ئەو کۆمەڵکوژییانەی کە لە ئەنجامی هێرشەکانی دەوڵەتە نەتەوەییەکان ڕوویان دا، یەکسان بوون بە جینۆساید، کۆمەڵکوژیی شەنگالی ساڵی ٢٠١٤ درێژەپێدەری ئەو عەقڵیەتە بوو کە ئامانجی لە ناوبردن و لە ڕیشەکێشانی ئێزدییەکان بوو.

 

بەڵام ئەمجارە گەلی ئێزدی ئێمە بە خێرایی خەباتی ئازادی لە باوەش گرت و خۆیان ڕێکخست و دەستیان کرد بە بەرخۆدان. بەم شێوەیە بە بەرخۆدانی مێژوویی وەڵامی دڕندەییەکانی دایەوە. بەشداری ژنان لەم بەرخۆدانەدا زۆر مانادارە. چوونەتە ناو پرۆسەی بنیاتنانی داهاتووی خۆیانەوە.

 

ئایندەی گەلی ئێزدیمان بە هێز و ئیرادەی ئەوان قاڵب و بەرجەستە دەبێت، لەسەر بنەمای کۆمەڵگەیەکی دیموکراتیک پشت بە ئیرادەی دیموکراسی دەبەستێت، پێویستە ڕێکخراوێکی کۆمەڵایەتی دابمەزرێنن کە ڕێگەیان پێبدات بە ئازادی ئیمانەکەیان بژین، لەم قۆناغەدا کە خەونمان پێیەوە بینیوە و پێی گەیشتووین، بونیادنانی سیستمێکی دیموکراسی زۆر گرنگە بۆ پاراستنی بوونی مێژوویی و بەردەوامیی خۆی، لەسەر بنەمای ڕوانگەی کۆمەڵگەیەکی دیموکراتیک، دەتوانرێت داهاتوویەکی یەکسان و ئازاد بۆ گەلان بونیاد بنرێت، ئێزدییەکان دەبێت ببنە هێزێکی چالاک و چالاکانە لە خەبات بۆ دیموکراسیکردن و بونیادنانی کۆمەڵگەیەکی دیموکراتیک لەسەر بنەمای ژیانێکی ئازاد و یەکسان.

 

"پێویستە گەلی ئێزدی لە هەموو شوێنێک خۆیان ڕێکبخەن"

هەر ڕێبازێک کە دان بە ئازادی گەلی ئێزدی ئێمەدا نەنێت و بە نەبوونی بزانێت، کارێکی ناشەرعی و ناڕەوایە.

 

گەلی ئێزدی ئێمە لە هەر کوێیەک بێت، دەبێت داهاتووی خۆی مسۆگەر بکات و لە ڕێگەی خۆڕێکخستنەوە پارێزراوی خۆی مسۆگەر بکات.

 

خەبات بۆ ژیانێکی ئازاد و یەکسان و دیموکراتیک لە ئەستۆی هەموو گەلەکەمانە، بەم بۆنەیەوە سڵاو لە خەباتی گەلی ئێزدیمان.

 

دەمەوێت بڵێم؛ من لە هەموو هەلومەرجێکدا پشتیوانی خەباتیان دەکەم،  ئازادی ئێزدییەکان و ئازادی گەلانی ڕۆژهەڵاتی ناوەڕاست تێکەڵاون، لەم چوارچێوەیەدا بانگەوازی ئاشتی و کۆمەڵگەیەکی دیموکراتیک وەڵامدانەوەی ٧٣ فەرمانی ئێزدییە، ئەو پڕۆسەیەی ئێمە دەستپێشخەریمان کردووە، دواجار بوونی و ئازادی ئێزدییەکان مسۆگەر دەکات، ئەم بانگەوازە ڕێنێسانسە، بۆ گەلی ئێزدیمان لە سەرووی هەموو شتێکەوە دەبێتە ڕێنێسانس، ئەم پرۆسەیە لە ڕێگەی هەست و خەباتی هاوبەشەوە سەردەکەوێت، سڵاوە بێکۆتاکانم دووبارە دەکەمەوە.

 

عەبدوڵا ئۆجالان".