کاردانەوەی فەقیهە سوڵتانی بەرامبەر بەیاننامەی سینەماکارانی ئێران
فەقیهە سوڵتانی ئەکتەری ئێرانی ڕەخنەی ئەو ژنانەی کرد کە بێدەنگ بوون کاتێک ٦ ساڵ پێش ئێستا خۆی باسی لە دەستدرێژی سێکسی لە سینەمای ئێران کردووە و دەڵێت "ئێوە پشتگیریتان نەکردم، بەڵام ئێستا من لە پشتتانم".
ناوەندی هەواڵ
فەقیهە سوڵتانیی ئەکتەر لە لاپەڕەی تایبەتی خۆیدا لە تویتەر ڕەخنەی لەو ژنە ئەکتەرانە گرت کە شەش ساڵ پێش ئێستا بێدەنگ بوون لە بڵاوبوونەوەی دەستدرێژی سێکسی لە سینەماکانی ئێران و نوسیویەتی: "شەش ساڵ لەمەوبەر هەمان قسەمان کرد و ئێوە لە بەردەمماندا وەستان و بێدەنگبوون".
ئەو ئەکتەرە دەڵێت: "زۆر خۆشحاڵم کە دواجار دوای شەش ساڵ لەخەو هەستاین و دەستمانکردووە بە بزووتنەوەیەک بۆ پشتیوانی ئەو گەنجانەی دەچنە ناو پیشەی سینەما، ئێمە هیچ پەناگایەکمان نییە بەرامبەر بە هەڕەشە و گێچەڵکردنی کەسانی لێهاتوو و بێگومان کەسانی پسپۆڕی سینەمایی."
لە کۆتایدا ئاماژەی بەوەدا شەش ساڵ لەمەوپێش هەوڵماندا بیسەلمێنین کە لە سینەمادا کێشەی دەستدرێژی و گێچەڵپێکردن هەیە، بەڵام بەداخەوە هەندێک کەس لەبەردەمماندا وەستان، زۆر کەس بێدەنگ بوون و وتیان کە هیچ کێشەیەکی لەم شێوەیە لە سینەمادا نییە، هیوادارم لە ئێستاوە دەسەڵاتدارانی نوێ پەلە بکەن لە یارمەتیەکانتان و هەوڵی چارەسەری بدەن.
ت.پ