ناوەندی هەواڵ

 

کامەران حەسەن، قائیمقامی قەزای ماوەت بۆ ڕاگەیاندنەکان ئاماژەی بەوەکردووە، کاتژمێر ١١ی شەوی ڕابردوو لەلایەن فڕۆکەیەکی بێفڕۆکەوانەوە بۆردوومانی گوندی گەڵاڵەکراوە و بەهۆیەوە هاوڵاتیەک گیانی لەدەستداوە.

 

ئاماژەی بەوەشکردووە، ئەو هاوڵاتییەی کە گیانی لەدەستداوە لەکاتی بۆردوومانەکەدا بەتەنها لە ماڵەوە بووە، تەمەنی ٣٠ ساڵە.

 

بەپێی زانیارییەکان، ناوى محەمەد سەعیدە و خەڵکى گوندەکەیە، بەڵام لە سلێمانى نیشتەجێیە و بەمەبەستى کارى باخدارى سەردانى گوندەکەى کردووە، ئەو خانووە لەڕێگەى چوار مووشەکەوە بۆردوومان کراوە و پێدەچێت لەلایەن دەوڵەتى تورکەوە ئەنجامدرابێت.

 

هاوکات شەوی ڕابردوو ١٣ی نیسان، لەلایەن فڕۆکەی بێفرۆکەوانەوە چەند ناوچەیەکی جیاواز لە هەرێم بۆردوومانکران.