ناوەندی هەواڵ

 

وەرزی بارانبارین لە تەنزانیا، کە بە شێوەیەکی سەرەکی مانگی نیسانە، بەهۆی ڕووداوەکەی ئێل نینۆوە سەخت بوو. لەگەڵ دیاردەی ئێل نینۆ لە لای ڕۆژهەڵاتی زەریای هێمن، کەش و هەوا زۆر گەرم بوو، وشکەساڵی لە هەندێک ناوچە ڕوویدا و لە هەندێک ناوچەدا بووە هۆی بارانێکی زۆر.

 

لە سەرەتای ئەم مانگەوە لە تەنزانیا بارانێکی زۆر بووە هۆی لافاو لە ناوچە کەناراوەکان. پاسێک لە باکووری وڵاتەکە کەوتە ژێر ئاوەوە و بووە هۆی گیان لەدەستدانی ٨ منداڵ.

 

حکومەتی تەنزانیا ڕایگەیاند، لەماوەی دوو هه فتەدا ٥٨ که س گیانیان له ده ستداوەو لافاوەکە کاریگەری لەسەر ١٠ هەزار ماڵ و ٧٥ هەزار کێڵگە کردووە.

 

ئاماژە بەوەشکراوە، بارانبارین تا کۆتایی ئەم مانگە بەردەوام دەبێت.