ناوەندی هەواڵ

 

پزیشک خێڵان کەریم بەرزنجی، پسپۆڕی نەشتەرگەری و نەخۆشییەکانی ژنان و منداڵبوون و نەزۆکی و چاودێری دووگیان ئاماژەی بەوەکردووە، بەرزی فشاری خوێن یەکێکە لەو حاڵەتانەی لەکاتی دووگیانی دا ڕوودەدات لە هەندێک ژنان، گەر بە شێوەیەکی ڕێکوپێک چارەسەر بكرێت و لەژێر چاودێری پزیشکی دا بێت دایک وکۆرپەکە سەلامەت دەبن، بە پێچەوانەشەوە گەر پشتگوێ بخرێت ئەوا کاریگەری خراپی دەبێت لەسەر دایک و کۆرپەکەش.

 

لە گرنگترین ماکە خراپەکانی بەرزی فشاری خوێن بۆ ژنانی دووگیان ئەمانەن:

کاریگەری یە خراپەکان لەسەر کۆرپەلە:

کەمبوونەوەی گەشەی کۆرپەلە.

کەمبوونەوەی ئاوی دەوری کۆرپەلە.

نەبەکامی و لە دایک بوونی پێشوەختە .

پچڕانی وێڵاش و تووشبوون بە نەزیفی ڕەحم و مردنی کۆرپەلە لەئاکام دا.

 

کاریگەری یە خراپەکان لەسەر دایکەکە:

ژانەسەر

ئاوسانی لەش

گەشکە

کاریگەری خراپی دەبێت لەسەر ئۆرگانەکانی وەک چاو ،دڵ ،جگەرو گورچیلەکان….

خوێن بەربوون

جەڵتە