شەنگال

 

بە پێشەنگایەتی تەڤگەری ئازادی ژنانی ئێزدی "تاژێ" و خۆبەڕێوەبەری شەنگال، چالاکی چادرهەڵذان  لە باخچەی ڕێبەر ئاپۆ دەستیپێکرد.

 

سەرەتای چالاکییەکە بە خولەکێک ڕێزگرتن بۆ گیانبەختکردوانی ڕێگای ئازادی و وتاری شەمێ ڕەمۆ، ئەندامی کۆردیناسیۆنی تاژێ، دەستیپێکرد. چادرەکە بە ئاڵا و وێنەی ڕێبەری گەلی کورد عەبدوڵا ئۆجالان ڕازێندراوەتەوەو سێ ڕۆژ بەردەوام دەبێت.

 

شەمێ ڕەمۆ، ئەندامی کۆردیناسیۆنی پیلانی ٩ی تشرینی یەکەمی شەرمەزار کرد و وتی: یلانگێڕی ٩ی تشرینی یەکەم و پلانی شەنگال جیاواز نین لەیەکتر، پیلانگێڕیی ٩ی تشرینی یەکەم تەنیا لە لایەن دەوڵەتی تورکیاوە نەبووە، بەڵکو لە لایەن وڵاتانی جیهانیشەوە ئەنجام دراوە، ماوەی ٢٥ ساڵە ڕێبەر لەناو چوار دیوار و لەژێر گۆشەگیرییەکی تونددایە، هاوکات لەگەڵ پیلانگێڕی و پلانی گڵاودا، دەیانەوێت سیستمی خۆبەڕێوەبەری ئێمەش لە عێراق لەناوببەن، ئێمە وەک ئیرادەیەک خۆمان ڕێکدەخەین و بەڕێوەدەبەین، عێراق قبوڵ بکات یان نا، ئێمە کاری خۆمان دەکەین، خەمی ئێمە شکاندنی گۆشەگیرییە، شەنگال هی شەهیدان و نیشتمانپەروەرانە، ئەو کەسانەی قبوڵمان نەکەن، ئێمەش قبوڵیان ناکەین، ئێمە خۆبەڕێوەبەری خۆمان دروست دەکەین و خۆمان بەڕێوە دەبەین، هەمووان لە شەنگال دەزانن پیلانی ٩ی تشرینی یەکەم چییە و ئێمەش دژی دەوەستینەوە، ئێمە چاوەڕێی ئەوە ناکەین دوژمن قبوڵمان بکات، چاوەڕێی ئەوە دەکەین میللەتەکەمان خۆی ڕێکبخات و بەرامبەر دوژمنان بوەستێت.

 

 "شەنگال بە خوێنی شەهیدان دروستکراوە"

تەورێ حەسەن، ئەندامی ئەنجومەنی بۆریک، وتی: ئەم پیلانە قبوڵناکەین و ئیدانەی دەکەین، هەرچی لە تواناماندا بێت بۆ ئازادی ڕێبەرەکەمان دەیکەین، سەرنجمان لەسەر کەیس و بیرۆکەکانی ڕێبەر ئاپۆیە و هەرگیز بیرۆکەکانی ڕێبەر ئاپۆ لە سەرمان دەرناهێنین، ئەمە یەکەم ڕۆژە لێرەین، ئامانجی دوژمن وێرانکردنی شەنگالە، بەڵام هەرگیز ناهێڵین شەنگال وێران بکەن، دۆزەکەمان هەمیشە بەردەوام دەبێت تا بیرۆکە و دۆزەکەمان دەچنە لوتکە، ئەگەی یەک کەسیشمان لە شەنگال بمێنێتەوە، ڕێگا نادەین لەناو بچێت، شەنگال بە خوێنی شەهیدانمان بونیاد نراوە.

 

"ئێمەلەناو ناچین"

هەروەها ئەهرام ئیسماعیل، ئەندامی کۆردیناسۆنی تاژێ وتی: دوژمنانمان هەمیشە دەیانەوێت لە مانگی تشرینی یەکەمدا لە دژی ئێمە پلاندابنێن. لەم مانگەدا پیلانیان لەدژی ڕێبەر ئاپۆ دانا، لە هەمان ڕۆژدا واتە ٩ی تشرینی یەکەم لەسەرێکانی و شەنگال پیلانیان دانا، ئەوان دەیانویست پلانی هەولێر و بەغدا جێبەجێ بکەن، هەروەها پادێیان داخست و هەموو هێزی خۆیان بەکاردەهێنن بۆ لەناوبردنی ڕێکخراوەکەمان، بەڵام ئێمە ون نابین، نەتەوەی ئێزدی هەمیشە هەیە، هەمیشە لەسەر پێی خۆمان دەبین، هەرچی پێویست بێت بۆ ئازادی جەستەیی ڕێبەر ئاپۆ و شکستپێهێنانی پلانەکان دەیکەین.