ناوەندی هەواڵ

 

بۆ ٢٥ی تشرینی دووەم، ڕۆژی جیهانی بەرەنگاربوونەوەی توندوتیژی دژی ژنان، لە زوریخ و لۆزان و بازل و بێل و چەندین شاری دیکەی سویسرا، ژنان چالاکییان ئەنجامدا. لە چالاکییەکاندا، چالاکوانانی یەکێتی ژنانی کورد لە سویسرا "یەژەکە_سویسرا" بە پانکارتەکانی خۆیانەوە بەشداربوون.

 

لە شاری لۆزان، ژنان ڕێپێوانێکیان ئەنجامدا. بۆ یادکردنەوەی ئەو ژنەی کە هەفتەی ڕابردوو لە لۆزان کوژرا، لە شوێنی کوژرانەکەی خولەکێک بەبێدەنگی وەستان، پاشان جەماوەری گەل مۆمیان داگیرساند و گوڵیان دانا، و درێژەیان بە ڕێپێوانەکەیان دا. لەکۆتایی چالاکییەکەدا ڕاگەیاندراو بە ناوی ڕێکخراوەکانی ژنانەوە خوێنرایەوە، لەوانەش ڕاگەیاندراوی یەژەکە_سویسرا.

 

لە شاری بێلی سویسرا، بە پێشەنگایەتی ڕێکخراوەکانی ژنانی وەک مانگرتنی ژنان (Frauenstreik) و یەژەکە_سویسرا، ڕێپێوانێک ئەنجامدراو لەسەر ناوی ژنانی کورد ڕاگەیەندراوێک خوێنرایەوە، تێیدا جەختکرایەوە کە توندوتیژیی دژی ژنان بابەتێکی تاکەکەسی نییە، بەڵکو کێشەیەکی سیاسییە.

 

 لە ڕێپێوانەکەدا دروشمی "ژن، ژیان، ئازادی" بەرزکرایەوە.