ناوەندی هەواڵ

 

١١یەمین پاکێجی دادوەری کە لەلایەن ئاکەپەوە براوەتە پەرلەمان و زیندانییانی سیاسیی ناگرێتەوە، لە کۆبوونەوەی گشتیی پەرلەماندا گفتوگۆی لەسەر کرا، دوای گفتوگۆکان، پاکێجەکە خرایە دەنگدانەوە و پەسەندکرا. 

 

بەهۆی ئەوەی پاکێجەکە زیندانیانی سیاسی ناگرێتەوەو ڕێگە بە ئازادکردنی ئەو کەسانە دەدات کە بەهۆی تاوانی دژ بە ژنان و منداڵان سزادراون، دەم پارتی دەنگی بە پاکێجەکە نەدا و بێلایەن مایەوە. ئاکەپە و مەهەپە بە "بەڵێ" و جەهەپەش بە نەخێر دەنگیاندا. 

 

لە دەنگدانەکەدا بە گشتی ٣٧٢ پەرلەمانتار بەشدارییان کرد؛ ٢٧٤ دەنگی بەڵێ، ٧٧ دەنگی نەخێر و ٢١ دەنگی بێلایەن تۆمارکران. 

 

دوای پەسەندکردنی پاکێجی دادوەری، پەرلەمان تاوەکو شەشی کانوونی دووەمی ٢٠٢٦ چووە پشووەوە.