نور ئەحمەد

 

ڕەققە –ئاڵەنگاری و شکاندنی ئەو چەواشەکارییەی لە دەوری جۆری وەرزشەکەی کردبوو، بووە یەکەم ژنی گەنج کە پاڵەوانێتی سووریا لە وەرزشی و بەرزکردنەوەی قورساییدا بباتەوە و سەرکەوت بۆ پاڵەوانێتییە نێودەوڵەتییەکان،ئەمە چیرۆکی سەرکەوتنی میرغان مەحمود حاجی ژنێکی گەنجی پارێزگای ڕەققەیە لە باکوور و ڕۆژهەڵاتی سووریا.

 

میرگان مەحمود حاجی تەمەن ١٥ ساڵ، یەکەم وەرزشکاری ژنەگەنجە لە تیپی وەرزشی لە پارێزگای ڕەققە دوای ڕزگاربوونی لە دەستی داعش، بەشداری لە چەندین پاڵەوانێتی پارێزگاکاندا کردووە، پلەی یەکەمی بەدەستهێناوە، لە ساڵی ٢٠٢٣ پلەی دووەمی لە بەرزکردنەوەی قورسایی لە سووریا بەدەستهێنا، لەماوەی ڕابردووشدا لە سووریا پلەی یەکەمی بەدەستهێنا و سەرکەوت بۆ پاڵەوانێتی جیهانی کە لە چەند مانگی داهاتوودا لە ئەمریکا بەڕێوەدەچێت.

 

وەرزشی و بەرزکردنەوەی قورسایی تایبەتە بە ناوچەکە، بەتایبەتی دوای ساڵانێک لە نەبوونی وەرزش و ڕۆڵی ژنان لەو شەڕانەی کە ناوچەکەی گرتووەتەوە.

 

سەرەتای تیمەکە

میرگان مەحمود حاجی وتی: لە تەمەنێکی گەنجیدا خۆشەویستی و مەیلی بەرزکردنەوەی قورسایی قورس و ئاسنم هەبوو، هەموو شتە قورسەکانی ناو ماڵەکەم هەڵدەگرت و کێبڕکێم لەگەڵ براکانم دەکرد، ئەوکات بۆم دەرکەوت کە توانای ئەوەم هەیە، دوای ئەوەی بیستم لە کردنەوەی ئەنجومەنێکی وەرزشی بۆ مەشق و خولی پەروەردەی وەرزشی، درێغیمان نەکرد لە پەیوەندیکردن، من و خوشکەکەم یەکەم ڕاهێنراوی پۆلی ژنانی گەنج بوون لە تیمەکەدا بە تێپەڕبوونی کات ژمارەیەک ژنی گەنج دەستیان کرد بە بەشداریکردن، تیمێکمان پێکهێنا لە کۆتاییدا هەڵبژاردەی نیشتمانی پارێزگای ڕەققەمان پێکهێنا، لە ئاستی پرێزگاکانی دیکەدا کێبڕکێمان کرد.

 

ڕوونیکردەوە کە کۆمەڵگە هەوڵیداوە تواناکانی تێکبدات، لەسەرەتای ژیانی پیشەیی خۆمدا ڕووبەڕووی چەندین ئاڵەنگاری بوومەوە، لەوانەش بۆچوونی نەرێنی لەلایەن کەسانی دەوروبەرمەوە، ئەوان دەیانوت شەرمەزارییە ژنێکی گەنج مەشقی بەرزکردنەوەی قورسایی بکات، ئەمەش بۆی ناگونجێت، ئەوان ئەوەیان بە نکۆڵیکردنی مێینەییەکەی زانیوە، ئەم وەرزشەیان بە تایبەت بە پیاوان زانیوە، نکۆڵی لەوە ناکەم کە ئەم ڕەخنەیە کاریگەری لەسەر باری دەروونی من هەبووبێت، بەڵام بە پاڵپشتی و هاندانی خێزان و هاوڕێکانم، من چوومەتە پێشەوە وبەهێزتریشم، لەڕووی بەرزکردنەوەی قورسایی و ئەو هەوڵە زۆرەی کە پێویست بوو بۆ بەرزکردنەوەیان، ڕووبەڕووی پرس بوومەوە، هەروەها چەند ڕۆژێک لە ئازاردا ژیاوم بەهۆی گرژبوونی ماسولکەکان دوای خولە پەرودددەییەکە، بەڵام ڕاهێنەرەکەم هانی دام کە واز نەهێنم، هەروەها وتی کە گرژبوون سەرەتای گونجاندن و گەشەکردنی ماسولکەکانی جەستەیە، بۆیە بە کێشی سووک دەستم پێکرد، کە نزیکەی ٣٠ و ٤٠ کیلۆگرامە، و بە خولی پەروەردەی چڕ توانیم وردە وردە کێشم زیاد بکەم، ئاماژەی بەو قورساییانە کرد کە بەرزی دەکاتەوە، لە وەرزشی سکواتدا، لە نێوان ١٨٠ بۆ ١٩٠ کیلۆگرام وەک زۆرترین کێش بەرز دەکەمەوە، لە کاتێکدا لە وەرزشی پێکسدا لە نێوان ١٩٠ بۆ ٢٠٠ کیلۆگرام بەرز دەکەمەوە، ئەمە جگە لە وەرزشی سنگ کە کێشی زیاتر لە ٦٠ کیلۆگرامە و دەگاتە ٧٠ کیلۆگرام.

 

ئاماژەی بەوەشکردووە، چەندین کاریگەری تەندروستی هەیە کە لە ئەنجامی بەرزکردنەوەی قورساییەوە سەرهەڵدەدات، کاتێک چەندین جار کێشی قورس بەرز دەکەمەوە بەبێ ماوەیەکی گونجاو، هەست بە تەنگەنەفەسی دەکەم، لێدانی دڵم زیاد دەکات، ئارەقەیەکی زۆر دەکەم، ماسولکەکانی ئامانجدار بۆ چەند ڕۆژێک گرژ دەبن، بەڵام وازناهێنم، ماسولکەکانم هێزێکی زیاتر بەدەستدەهێنن، بەم لەشجوانیەش دەتوانم بەرگری لە خۆم بکەم.

 

بەشداریکردن لە پاڵەوانێتییەکان

سەبارەت بە بەشداریکردنی لە پاڵەوانێتییە ناوخۆییەکان، ڕوونیکردەوە، بەشداریم لە چەندین پاڵەوانێتی ناوخۆییدا کردووە، لەوانە پاڵەوانێتی بەرزکردنەوەی دیمەشقی ٢٠٢٣، لەو کاتەدا تەمەنم تەنها ١٢ساڵ بوو، هەروەها پلەی دووەمم لە سووریا بەدەستهێنا، نزیکەی مانگێک لەمەوبەر، بەشداریم لە پاڵەوانێتییەکی تاقیکردنەوەکانی جیهانی لەسەر ئاستی نیشتمانی کرد، کە تێیدا پلەی یەکەمم بەدەستهێنا و سەرکەوتم بۆ پاڵەوانێتی جیهانی و پاڵەوانێتی ڕۆژئاوای ئاسیا.

 

بەشداریکردنی لەسەر ئاستی سووریا و دوو کۆتایی هاتنی پلەی یەکەم و دووەمی بە ڕووداوێکی تایبەت پێناسەکرد، بەشداریکردنم لە پاڵەوانێتی کۆماردا ڕووداوێکی جوان و تایبەت بوو لە ژیانمدا کە هەرگیز لەبیرم ناچێتەوە، هەست و مۆڕاڵم پێناسەکراو بوو، بەتایبەتی کاتێک هەنگاوم نایە سەر شانۆ و گوێم لە هاوار و هاندانی ئامادەبووان بوو، کە ناوی من و ناوی شارەکەمیان دەوت، شەرەفم لێکرا بەهۆی بەدەستهێنانی پلەی یەکەمم.

 

ڕوونیشیکردەوە، وەک ژنێکی گەنجی ڕەققە، نوێنەرایەتی هێزی شارەکەم کرد، کە ساڵانێکی زۆر بوو بەهۆی ئەو شەڕەی کە وێران بوو، لە وەرزش پچرابوو، شانازی دەکەم کە یەکەم ژنی گەنج بم کە لە ناوچەی باکوور و ڕۆژهەڵاتی سووریاوە بەشداریم کرد، بۆ ئەوەی لە ماوەیەکی وا کورتی مەشق و خولی پەروەردەی و مەشقکردندا بگەمە ئەم ئاستە، هەروەها بۆ بەدەستهێنانی پلەی یەکەم، ئەم سەرکەوتنە تەرخان دەکەم بۆ خێزانەکەم، هەموو ئەوانەی هانم دەدەن، و بۆ خۆمو شارێک، کە سەرەڕای ئەوەی بەسەریدا هاتووە، بەرگەی گرتووە.

 

ژنان نابێت خۆیان بەدەست ڕەخنەی کۆمەڵگە بدەن

میرگان مەحمود حاجی هانی هەموو ئەو کچانە دەدات کە هەر حەزێکی وەرزشییان هەیە، درێغی نەکەن لە بەشداریکردن لە تیپە وەرزشییەکانی ئەنجومەنی وەرزش، کە کاردەکات بۆ پەرەپێدانی خولیاکان و بەرزکردنەوەی توانا وەرزشییەکان، سەرەڕای سەختییەکان، ژنان توانای ئەوەیان هەیە ئەو وەرزشە بکەن کە خۆشیان دەوێت، نابێت دەستبەرداری بێت، بەتایبەتی لە وەرزشیدا کە پڕە لە ئاڵەنگاری، کۆتایی هەیە و سەرکەوتنێکی گەورە چاوەڕێیان دەکات، بۆ بەدیهێنانی ئەمەش دەبێت گرنگی بە ڕەخنە نەدەن و ڕێگە نەدەن کۆمەڵگە ڕێگرییان لێبکات لە گەیشتن بە خەون و ئامانجەکانیان.

 

میرگان مەحمود حاجی ئاواتەخوازە سەرکەوتن بۆ بەرزترین ئاستەکان بەدەستبهێنێت، بەشداری ئۆڵۆمپیادی جیهانی بکات، پلە باڵاکان بەدەستبهێنێت و لەڕێگەی وەرزشەوە ناوبانگی شارەکەی بەرزبکاتەوە، ئەزموونی ئەو لە بەرزکردنەوەی قورساییدا دەستکەوتێکی گەورەیە کە لە تەمەنێکی گەنجیدا بەدەستی هێناوە و بووەتە بەشێک لە ژیانی کە ناتوانێت بەبێ ئەو کارە بکات.