دوو خوشکی کەلاری دەبنە پاڵەوانی پاڵەوانێتی کاراتی
دوو خوشکی خەڵکی شاری کەلار دەبنە پاڵەوانی پاڵەوانێتی کاراتی و پلەی یەکەم و سێیەم بەدەستدەهێنن.
گەرمیان
دوێنێ، ٢٧ی تەمموز، لە شارۆچکەی چەمچەماڵ پاڵەوانێتی کاراتی یانەکان بە بەشداری چوار یانەی کوردستان و یانەیەکی ئێران بەڕێوەچوو، هۆنیا ئه‌حمەد و په‌ریسا ئه‌حمه‌د، دوو خوشکن لە شاری کەلاری ناوەندی ئیدارەی گەرمیانەوە بەشداربووون و توانییان ببنە پاڵەوانی پاڵەوانێتییەکە.
ئەو دوو خوشکە کە یاریزانی کاراتی یانەی شێروانەن، توانیان لە پاڵەوانێتی کاراتی یانەکان پلەی یەکەم و سێیەم بەدەستبهێنن.
هاوشانی هۆنیا و پەریسا، دڵستان محەمەد، یەکێکی تر بوو لە بەشداربووانی پاڵەوانێتیەکە و لە یاری کێشی خۆدا پلەی سێیەمی بەدەستهێنا، یانەکەشیان کە یانەی شێروانەیە پلەی سێیەمی پاڵەوانێتییەکەی بەدەستهێنا.