ناوەندی هەواڵ

 

ماددە ڕووکارە فلۆرییە چالاکەکان-PFAS کە بە ماددەی تێر فلۆر و پۆلی فلپر ناسراون، سەر بە پێکهاتە کیمیاییە دەستکردەکانن و هەندێکیان کاریگەری نەرێنییان لەسەر تەندروستی هەیە، هەندێک جاریش دەبنە هۆی شێرپەنجە یان ناتەواوی لە لەدایکبووندا.

 

ماددەکە بە "پیسکەری هەمیشەیی" پێناسە دەکرێن، چونکە سووڕی تەمەنی درێژخایەنیان هەیە و ڕەنگە کۆتایی تەمەنیان توانەوەیان بێت لە بواری پیشەسازی یان لە زبڵداندا بن، هەروەها لە بەکارهێنانیاندا سەرچاوە جۆراوجۆرەکانی ئاو پیس بکەن.

 

توێژینەوەکە لەلایەن ناوەندی ڕووپێوی جیۆلۆجی ئەمریکا ئامادەکراوە و لە گۆڤاری ژینگەی نێودەوڵەتیدا بڵاوکراوەتەوە، دەریدەخات کە ئەگەری پیسبوون بە ماددە ڕووکارە فلۆرییە چالاکەکان-PFAS لە شارەکاندا بە ٪٧٥ و لە ناوچە گوند نشینەکانیشدا بە ٪٢٥ خەمڵێندراوە، کە ناوەندەکە پشکنینیان بۆ چەندین نمونەی ئاو کردووە کە ڕاستەوخۆ لە بەلوعەی چێشتخانەکان کۆکراونەتەوە لە سەرتانسەری وڵاتدا.

 

ئاماژە بەوەشکراوە، چڕیی ماددە ڕووکارە فلۆرییە چالاکەکان-PFAS لە پێداویستییە گشتیەکان و بیرە تایبەتەکاندا هاوشێوە بوون و توێژینەوەکە لەسەر ٣٢ جۆری ئەم پیسکەرانە بووە، لە کۆی زیاتر لە ١٢ هەزار جۆر، کە هەندێکیان ناتوانرێت بە تەکنەلۆژیای ئێستا چاودێری بکرێن.