"لە حەوشەی تونس" تابلۆیەکی دیمەنی سروشتییە، بە وردی لەلایەن هونەرمەندی ئەڵمانی فێردیناند ماکس برێدت ١٨٦٨-١٩٢١، کە بە یەکێک لە پێشەنگەکانی نیگارکێشانی ڕۆژهەڵاتناسی ئەڵمانی سەدەی نۆزدەهەم دادەنرێت کێشراوە.

 

فێردیناند برێدت گەشتێکی زۆری کردووە و لە وڵاتانی یۆنان و ئیتاڵیا و تورکیا و تونس تاقیکردنەوەی کردووە، هەموو ئەم گەشتانەی لەسەر کاغەز و کانڤاس بە بەکارهێنانی زەیت و ڕەنگی ئاو بەرجەستە کردووە، لە کاتێکدا زۆربەی تابلۆکانی بە ئامادەبوونی جیاوازی ژنان جیا دەکرانەوە، کە لە بەرامبەر پاشخانێکی دیزاینی ناوەوەی خانووەکان بە وردەکارییە وردەکانی شارستانییەتە جیاوازەکانەوە کێشاوە و سەرسام بووە بە تەلارسازی ڕۆژهەڵاتی، بۆیە خانوو و ستۆدیۆیەکی لە ئەڵمانیا دروستکردووە بە شێوازی عەرەبی کۆن.

 

لە ماوەی ژیانیدا بە شێوەیەکی بەرفراوان ناسراوە و دوو لە تابلۆکانی هەڵبژێردران بۆ نوێنەرایەتی ئەڵمانیای زێدی خۆی لە پێشانگای جیهانی کۆڵۆمبیا لە ساڵی ١٨٩٣، هاوکات کارەکانی لە پێشانگاکانی پاریس، بەرلین، شیکاگۆ و لەندەنیش نمایشکران.

 

لە تابلۆ زەیتی بێدەنگەکەیدا بە ناونیشانی "لە حەوشەی تونس"، دیمەنێکی ژیانی ڕۆژانەی کچێکی تونسی بەرجەستە کردووە کە لە ناوەڕاستی حەوشەی ماڵەکەدا وەستاوە و پشتی بە چەقی دارێک لە ناوەڕاستی حەوشەکەدا بەستووە.

 

ئەوەی تابلۆکانی فێردیناند برێدت زۆرتر جیادەکاتەوە، گرنگیدانە بە بچووکترین وردەکاری، لە جلی نەریتی تونسی کە کچەکە لەبەری کردووە، تا دەگاتە ڕەنگدانەوەی سێبەری دارەکە لەسەر دیوارەکە و ئەو ژنەی دیکە کە لەسەر زەوی دانیشتووە و هەندێک کاری ناوماڵ ئەنجام دەدات .