ئەسما فەتحی

 

قاهیرە -شەڕەکان چیتر تەنها دیمەنی دوور نین کە لەسەر شاشەکان پەخش دەکرێن، بەڵکو ڕاستیەکی بەرجەستەن کە جێپەنجەی خۆی لەسەر ژیانی ڕۆژانەی ملیۆنان کەس بەجێدەهێڵێت، لە کاتێکدا، جیهان سەرقاڵی هاوسەنگی هێز و دەرئەنجامی ململانێکانە، چیرۆکە مرۆییە ئاڵۆزترەکان، بە تایبەت ئەوانەی کە ژنان لە بێدەنگیدا بەرگەی دەگرن، لە پشت پەردەوە بە شاراوەیی دەمێننەوە.

 

ژنان لە کاتی شەڕدا بارگرانییەکی دوو هێندە لە ئەستۆ دەگرن، کە لە لەدەستدانی ئاسایش و سەقامگیرییەوە دەست پێدەکات و درێژدەبێتەوە بۆ وەرگرتنی ڕۆڵی نوێ و زۆرەملێ لەناو خێزان و کۆمەڵگەدا، بە نەبوونی بژێوی ژیان یان هەڵوەشاندنەوەی پەیکەری کۆمەڵایەتی، زۆرێک لە ژنان خۆیان دەبیننەوە کە ڕووبەڕووی ڕاستیەکی سەخت دەبنەوە، ناچاریان دەکات لە ژێر فشاری بەردەوامدا ژیانیان لە قاڵب بدەنەوە.

 

کاریگەرییەکانی شەڕەکان زۆر لەزیانە ماددیەکان زیاترە، کۆمەڵێک پێشێلکاری لەخۆدەگرێت، لە توندوتیژیی ڕەگەزییەوە تا ئاوارەبوون و لەدەستدانی بژێوی ژیان، ئەمەش ئەزموونی ژنان لە ململانێدا ئاڵۆزتر و ناوازەتر دەکات.

 

بۆ بەدەستهێنانی تێگەیشتنێکی قووڵتر لەوەی کە چۆن ململانێکان کاریگەرییان لەسەر ژیانیان هەیە، ئایا وەڵامەکانی ئێستا بەسە بۆ پاراستنیان یان تەنها شێوازی نوێی لاوازی بەرهەمبهێننەوە، ئاژانسەکەمان ئەم چاوپێکەوتنەی خوارەوەی لەگەڵ پارێزەر نوها سەید ئەنجامدا.