Navenda Nûçeyan – Tevgera Jinên Kurd a li Ewropayê (TJK-E) bi wesîleya rojbûna 76'an a Rêberê Gelê Kurd Abdullah Ocalan daxuyaniyek da.

Daxuyanî wiha ye:

“4'e Nîsanê ku rojbûna gelê Kurd û mirovahiyê ye li hemû Kurdan pîroz be. Rojbûna Rêber Apo rojbûna gelê Kurd e. Bûyîna Konfederalîzma Demokratîk e ku alternatîfa modernîteya kapîtalîst e. Destpêkirina têkoşîna jinan e ku bi sondxwarine pêşengiyê, ji guherîna civakê re bike. Ji ber vê yekê di vê dema dîrokî de em jin dilsoziya xwe ya bi Rêber Apo re careke din diyar dikin û soza xwe dubare dikin, ji bo azadiya wî ya fîzîkî em ê têbikoşin.

Di serî de gelê Kurd gelek beşên civakê xwedî li banga 'Aştî û Civaka Demokratîk' a Rêber Apo ya di 27'ê Sibatê de kir derketin û hêzên navneteweyî jî piştgirî dan. Ev bang bi esasî weke manîfestoya jiyana azad û demokratîk hat qebûlkirin. Piştî banga Aştî û Civaka Demokratîk gel û jinên Kurd, roja 8'ê Adarê bi coşeke mezin daketin qadan û nîşan dan ku ew xwedî li vê banga Rêber Apo derdikevin.

‘Em ê têkoşîna xwe mezin bikin’

Rêber Apo di tevahiya jiyana xwe de ji bo statuya hiqûqî û demokratîk a mafên gelê Kurd têkoşiya. Di vê têkoşînê de ragihand ku azadiya jinan kilîta esasî ya azadiya civakî ye û rola sereke di vê riyê de da jinan. Jinên ku îro di nava şoreşê de şoreş pêk anîne, bi gotina 'Azadiya Rêbertî azadiya me ye', ji bo pêkanîna azadiya fîzîkî ya Rêber Apo têdikoşin. Ji bo ev têkoşîn bi ser bikeve li ser bingeha pêngava 'Azadî ji Rêber Apo re, çareseriya siyasî ji pirsgirêka Kurd re' em ê têkoşîna xwe mezintir bikin.

Bi vê wesîleyê bi pêşengiya Tevgera Jinên Kurd a li Ewropayê (TJK-E) di di 4 û 5'ê Nîsanê de em ê li gelek bajarên Ewropayê çalakiyan li dar bixin û bang li jinan û tevahiya gelê xwe dikin ku bi coş û biryardariya 8'ê Adarê û Newrozê beşdarî van çalakiyan bibin.”

Plansaziya çalakiyan:

Cih û dema çalakiyên TJK-E'yê bi vî rengî ne:

Çalakiya 4'ê Nîsana 2025'an

Swîsre

 Zurîch

Saet: 18.00

Cih: Helvetiaplatz

--------------

Çalakiyên 5'ê Nîsana 2025'an

Elmanya

Dusseldorf

Saet: 13.00

Cih: DGB-HAUS

Friedrich-Ebert Str.

***

Hamburg

Saet: 13.00

Cih: Monckeberg Str. 16

Stuttgart

Saet: 13.30

Cih: Lautenschlager Str.

***

Hannover

Saet: 14.00

Cih: Hauptbahnhof

Fransa

Parîs

Saet: 14.00

Cih: République.

Hollanda

Amsterdam

Saet: 13:00

Cih: Leidseplein

SKANDÎNAVYA

Malmo

Saet: 12.00

Cih:  Qada Trelleborg

--------------------

6'ê Nîsana 2025'an

Îngilistan

London

Saet: 14.00

Cih: Li pêşiya pirtûkxaneya Woodgreen