Kobanê – Di 29’ê Mijdara 2004’an de endama komîteya navendî ya PYD’ê Şîlan Kobanê û 4 hevalên xwe Ciwan, Cemîl, Zekeriya û Fûad di encama komployekê de li Mûslilê şehîd bûn. Bi bê wesîleyê li gelek navendên Bakur û Rojhilatê Sûriyê, çalakiyên bîranînê hat li darixstin.

Partiya Yekîtiya Demokratîk ya kantona Firatê, bi vê wesîleyê îroj li navenda xwe civîn birêxistinkir. Civîna ku di bin diruşmeya “Bi rihê şehîd Şîlan û hevalên wê, emê aştiyê bi dest bixin û civakeke demokratîk ava bikin” hat li darxistin, hevseroktiya partiyê a Bakur û Rojhilatê Sûriyê, her wiha malbata şehîd Şîlan û Hecî, nûnerên rêveberiya xweser, Kongra Star, partiyên siyasî û saziyên civaka sivîl amedebûn.

Bîranînê bi deqeyek rêzgirtin despêkir, pişt re rêveberiya Meclîsa Jin ya giştî a PYD'ê Hûriye Şemdîn axivî.

Hûriya Şemdîn wiha got: “Şehîd Şîlan xeta azadiya jin ronî kir ku li pey şopa wê bi hezaran jin li dijî tundî, qirkirin û koletiyê tevlî xeta azadiyêbûn. Bi vê hêz û mîrateyê îroj jinan pêşengiya şoreşa Rojavayê Kurdistanê dikin ku pergala me bi temamî li ser prenîsb û xeta azadiya jin hatiye avakirin. Di hemû qadên ku li ser kedxwarî û bindestiya jin hatine avakirin de, em dibînin jin pêşengiya wê dikin û heta bi hişmendiya jin jî ji nû ve ava dikin.”

Li aliyekî din hevserokê giştî yê Pariyê Xerîb Hiso jî geşedanên siyasî û pêvajo nirxand.

Her wiha endama ofîsa rêxistinî a giştî Valantîna Ebdo jî wiha got: “Şehîd Şîlan û hevalên wê di şert û mercên herî dijwar de ev partî avakirin ku ji bo pêşxistina wê canê xwe jî fedakirin. Bi taybet şehîd Şîlan dizanbû ku beşdarbûna jinan ya di nava partiyê de wê bi xwe re edalet, wekhevî û azadiyê bîne. Ji bo vê jî em vê partiyê weke mîrateyeke pîroz ya şehîd Şîşan digirin dest û li ser xeta wê têdikoşin.”

Di heman demê de malbatên Şîlan Kobanê û Hecî Kobanê axaftin kirin ku soza dewamkirina têkoşîna zarokên xwe dan.

Di dawiyê de sinevzyonek li ser jiyana têkoşer Şîlan Kobanê hat pêşandin.

Bîranîn bi siloganên “Şehîd Namirin” û “Bê Serok Jiyan Nabe” bi dawî bûn.