Navenda Nûçeyan- Rojnamevan Marwa Jeddaouî, ji bilî kariyera xwe ya medyayî ya navdar a li Radyoya "El Kef", di qada medyayê ya Tûnisê de şopeke mayînde ya pîşeyî û mirovî hişt.

Sendîka Neteweyî ya Rojnamevanên Tûnisê, îro 22’ê Kanûnê ragihand ku rojnamevan Marwa Jeddaouî ya mezûna Enstîtuya Zanistên Çapemenî û Nûçeyan jiyana xwe ji dest daye.

Marwa Jeddaouî, li Radyoya "El Kef" dixebitî, bernameyên civakî û çandî pêşkêş kir û gelek karên rojnamegeriyê yên bi cidîyet û profesyoneliya xwe dihatin naskirin, pêkanî. Her wiha radyoyê di çalakiyên li derveyî Tûnisê de temsîl dikir û di qada medyayî de şopek pîşeyî û mirovî ya bihêz hişt.

Marwa Jeddaouî, bi karakterê xwe yê baş, têkiliyên xwe yên erênî yên bi hevpîşe û kesên li derdora xwe re dihat naskirin û bi profesyoneliya xwe di karê xwe de derdiket pêş. Heta niha der barê sedema mirin an jî hûrguliyên din de tu daxuyanî nehat dayîn.