Navenda Nûçeyan- Sazî û dezgehên kurd ji bo tecrîda li ser Rêberê Gelê Kurd Abdulah Ocalan ê 25 sal in li Girtîgeha Îmraliyê ye, bê rakirin di 12’ê Hezîranê de meş li dar xistibûn. Nûçegihanê ajansa Mezopotamyayê Ergîn Çaglar û nûçegihana JINNEWS’ê Rozerîn Gultekîn ku li Bûrsayê, meş dişopandin hatibûn binçavkirin û derbarê wan de doz hatibû vekirin. Danişîna biryarê ya dozê ku bi îdiaya “li dijî qanûna meş û xwepêşandanan muxalefet kirine” hatiye vekirin li 18’emîn Dadgeha Cezayê ya Asliye ya Bûrsayê hate lidarxistin. Rozerîn Gultekîn û parêzerên wê tev li danişînê nebûn.

Dozger, di mutalaya xwe de derbarê Gultekînê de bi heman îdiayê daxwaza ceza kir. Şandeya dadgehê ku pişt re biryara xwe aşkere kir, bi hinceta sûcên ku Rozarîn Gultekîn pê tê sûcdarkirin ne sûc in biryara beraetê da.