Navenda Nûçeyan – Ji partiyên siyasî yên li Îngilistan, Îrlanda Bakur, Wales û Skoçyayê yên Qraliyeta Yekbûyî zêdeyî 70 parlamenter, Lord û kesayetan têkildarî êrîşên li ser Rojava, fikar û daxwazan nameyek ji Wezîra Karên Derve ya Îngilistanê Yvette Cooper re şandin.

Ji Partiya Karker (Labour) a li desthilatdariyê, ji Muhafezekaran (Conservative) a muxalefeta bingehîn, Demokratên Lîberal, Plaid Cymru ya ji Walesê, Scottish National Party (SNP) a ji Skoçyayê, Partiya Keskan (Green Party), Democratic unionist Party (DUP) û Sinn Fein a ji Îrlanda Bakur gelek parlamenter û Lordan îmze avêtin bin nameyê.

‘Em ji ber rewşa ewlekariyê ya li Bakur û Rojhilatê Sûriyeyê bi fikar in’

Di nameyê de ji hikumetê hat xwestin ji bo Kurdan tavilê bikeve nava liv û tevgerê. Parlamenter û Lordan gotin: "Ev welat minetdarê gelek jin û mêrên Kurd e ku bi salan li dijî terora DAIŞ'ê bi wêrekî li ber xwe dan. Gavên ku di vê dema zehmet de bên avêtin wê bibin bersiva herî kêm a vî deynê wan ê li me. Em weke koma ji parlamenter û Lordan a di ser partiyan re ji we re dinivîsînin; ji ber ku civaka Kurd bi gefeke mezin û tundiyê re rûbirû ye. Em ji ber rewşa ewlekariyê ya li Bakur û Rojhilatê Sûriyeyê bi fikar in ku bi lez nebaş dibe."

Di nameyê de hat ragihandin ku ji ber êrîşên li ser QSD'ê bi sedhezaran mirov koçber bûne û wiha hat gotin: "Çend rojên dawî, piştî vekişîna Hêzên Sûriyeya Demokratîk (QSD) ên cîhana rojava piştgiriya wan dike, hêzên girêdayî serokkomar Ahmed el-Şaraa li Bakur û Rojhilatê Sûriyeyê bandor û hêza xwe zêde kirin. Li gorî raporên cihê baweriyê, li ser sivîlan rîskeke cidî heye; rayedarên xwecihî diyar dikin ku zêdeyî 150 hezar kes ji cih û warê xwe bûne. Meqamên Sûriyeyê jî piştrast kirin ku li gel hişyariyên têkildarî cebilxaneyên neteqiyayî û mayînan bi hezaran sivîl ji herêmê reviyan."

Di nameyê de işaret bi êrîşên rêxistinên cîhadîst ên di lîsteya pêkanînan a Îngilistanê de ne yên li hemberî QSD'ê hat kirin û hat wiha hat gotin: "Vekişîna QSD'ê weke bersiva ji bo êrîşên hêzên Hikumeta Sûriyeyê ya yekser pêk hat; di nava van hêzan de yekîneyên yekser têkiliya xwe bi Heyet Tehrîr El Şam re heye, hene. Ev jî Tumena Hamza, Tumena Sûltan Mûrad û Tumena Sûltan Suleyman Şah e û ji ber rola van a di êrîşên li hemberî sivîlan de ketine ber rejîma pêkanînê ya Qraliyeta Yekbûyî."

Parlamenter û Lordên Qraliya Yekbûyî diyar kirin ku rîsk heye, tundiya heyî bêhtir zirarê bide sivîlên bêguneh û nifûsa Kurdan a xwecihî.

‘Paşeroja DAIŞ'ê û ewlekariya herêmî û neteweyî cihê fikaran e’

Di berdewama nameyê de îşaret bi vekişîna QSD'ê ji Kampa Holê hat kirin û wiha hat gotin: "Li vê kampê malbatên têkildarî DAIŞ'ê dihatin ragirtin û vekişîn ji ber bombebaranê û êrîşên hêzên Hikumeta Sûriyeyê pêk hat. Bi heman rengî QSD neçar ma xwe ji Kampa El Şeddadê jî vekişîne ku nêzî 2 hezar şervanên DAIŞ'ê lê dihatin ragirtin. Ev yek têkildarî paşeroja şervanên DAIŞ'ê û ewlekariya herêmî û neteweyî bû cihê fikaran."

‘Qraliyeta Yekbûyî xwedî wê berpirsyariyê ye ku piştgiriyê bide Kurdan’

Di nameyê de hat ragihandin ku Kurd yek ji mutefîkên herî xurt ên Qraliyeta Yekbûyî ye û wiha domiya: "Dema ku mirov biryardariya Kurdan a awarte ya ji bo têkbirina DAIŞ'ê ya li Sûriyeyê li ber çavan bigre wê bê dîtin ku Qraliyeta Yekbûyî xwedî wê berpirsyariyê ye ku piştgiriyê bide Kurdan."

Di nameyê de hat destnîşankirin ku bûyerên diqewimin tenê bi daxuyaniyên têkildarî fikaran nikarin ji holê bên rakirin û hat gotin ku divê Qraliyeta Yekbûyî bi hevkarên xwe yên herêmî û navneteweyî re ji bo parastina gelê Kurd ê li Bakur û Rojhilatê Sûriyeyê û çareseriyeke demdirêj û mayînde bersiveke bi lez bide û bi biryardarî vî karî koordîne bike.

Parlamenter û Lordan ev daxwaz kirin:

Li hemberî tundiya li ser sivîlan divê sekneke zelal bê nîşandan û piştgirî ji çareseriyeke siyasî ya demdirêj re bê dayîn ku hurmetê nîşanî mafên kêmarên li Sûriyeyê dide.

Nirxandina bicihanîna pêkanînên li ser kes û saziyên ji tundiya li hemberî sivîlan berpirsyar in.

Ji bo pêşîgirtina bilindbûna rageşiya leşkerî û ji bo parastina sivîlan bi hevalbendên herêmî û navneteweyî re hewldanên dîplomatîk bên zêdekirin.

Divê alîkariya mirovî ya têrker ji civakên li Bakur û Rojhilatê Sûriyeyê re bê şandin û ev alîkarî bi rengekî ewle radestî herêmê bê kirin."

Parlamenter û Lordên ku nameyê îmze kirine ev in:

Partiya Karker (Labour Party)

Luke Akehurst MP

Dr Rosena Allin-Khan MP

Dr Scott Arthur MP

Richard Baker MP

Alex Ballinger MP

Chris Bloore MP

Dawn Butler MP

Maureen Burke MP

Ruth Cadbury MP

Sarah Champion MP

Bambos Charalambous MP

Feryal Clark MP

Dr Beccy Cooper MP

Stella Creasy MP

Jim Dickson MP

Mary Kelly Foy MP

Daniel Francis MP

Terry Jermy MP

Kim Johnson MP

Peter Lamb MP

Siobhain McDonagh MP

John McDonnell MP

Navendu Mishra MP

Grahame Morris MP

Chi Onwurah MP

Kate Osborne MP

Toby Perkins MP

Marie Rimmer MP

Oliver Ryan MP

Sarah Smith MP

Alex Sobel MP

Kirsteen Sullivan MP

Henry Tufnell MP

Derek Twigg MP

Chris Webb MP

Nadia Whittome MP

Sean Woodcock MP

Muhafazakâr Parti (Conservative Party)

Gavin Williamson MP

Liberal Demokratlar (Liberal Democrats)

Daisy Cooper MP

Steve Darling MP

Andrew George MP

Ian Sollom MP

Yeşiller Partisi (Green Party)

Sian Berry MP

Carla Denyer MP

Adrian Ramsey MP

Baroness Bennett of Manor Castle

Baroness Jones of Moulsecoomb

İskoç Ulusal Partisi (SNP)

Chris Law MP

Noah Law MP

Plaid Cymru

Ben Lake MP

Llinos Medi MP

Liz Saville Roberts MP

Demokratik Birlik Partisi (DUP)

Jim Shannon MP

Baroness Foster of Aghadrumsee

Lord Elliott of Mickle Fell

Sinn Féin

Brendan O’Hara MP

Lordlar Kamarası üyeleri

Lord Alton of Liverpool

Baroness Carberry

Lord Cashman

Lord Doyle

Baroness Goudie

Lord Hain

Lord Hendy

Lord Khan of Burnley

Lord Kinnock

Lord Mann

Lord Moraes

Lord Moynihan

Lord Ranger

Lord Singh of Wimbledon