ESRA EZÎZÎ

Bîcar- Îsal yekem car li Gundê Bruşaw a herêma Bîcar Gerûs ya Rojhilatê Kurdistan û Îranê agirê Newrozê hat vêxistin. Newroza îsal a li Bîcar Gerûsê reng û tamek cûda nîşan da. Bi hezaran kes li seranserê Rojhilat û herêmên din ên Îranê beşdarî şahiyê Newrozê bûn û di şahiyê de peyama yekîtî û jiyana bi hev re hat dayîn. jiyan û yektiyê dan. Şahî bi pêşkêşiya Hawîn Qadrî û Kawa Meberî hat lidarxistin û axaftvanên wek Sîmin Çayçî, Ednan Berzencî û Mecîd Merdux Runî jî amade bûn. Axaftvanan bal kişandin ser girîngiya yekîtiyê û diyar kirin ku pêwîstiya wan bi yekîtiyê heye. Her wiha bal kişandin ser parastina çandê û amaje bi wê yekê kirin ku ger ev yekîtî berdewam bike, tu hêzek biyanî nikare xelkê Rojhilat ji nedîtî ve bê. Şahiya Newroza Gerûsa li gundê Bruşawê tevî rewşa hewayê, bi peyamên aştiyane û yekîtiyê û bi hev re jiyanê hat lidarxistin. Rêkupêk û hemahengiya gelê Gerûs di vê şahiyê de peyama yekitiyê gîhand dinyayê.

Gelek kes 18 kîlometre meşiyan

Cejna Newroza îsal di 2’ê Nîsanê de li Bîcar Gerûs hat pîrozkirin. Di vê Newrozê de carek din Rojhilatê Kurdistanê hevdengî, yekîtî û aştiyê nîşanî netewên din da. Bajêr, Newrozê bi şahî derbas kir û bû sembola yekîtî û nêzîkatiyên di navbera mirovan de. Gelek kes ji bo beşdarî Newrozê bibin 18 hezar kîlometre meşiyan. Ev kombûn bû nîşaneya yekîtiya di nav xelkê Rojhilat de. Yek jî taybetmendiyên vê merasîmê, amadebûna bi hezaran jin û mêran a bi hev re bû. Her çiqas siyaseta cûr bi cûr hewla guherîna vê çandê dabe jî, dîrokê nîşan daye ku jinên Kurd her tim di civakê de rola wan pêşeng û bi wate lîstine. Her wiha di Newrozê de jinên wek Fatîmexan Gulaxî û Şervet Xanim Mîrûndî ku bûne sembola çanda Gerûs jî, hatin bîranîn.

‘Newroza sembola yekîtiyê ye’

Perya Husên Penahî ku rûniştvana bajarê Bruşawe ye, têkildarî Newroza Gerûsê destnîşan kir ku ev Newroza yekem e ku bi vî awayê mezin li herêma Gerûsê tê pîrozkirin û wiha got: “Bi hezaran mêvan ji seranserî Îranê û Rojhilat beşdar bûn. Newroz ne tenê şahiyek e, di heman demê de sembola yekîtî û bi hev re jiyan û nîşandana yekîtiya di navbera jin û mêrên Kurd de ye.”

‘Derfeta nîşandana çand û dîroka me ye’

Fewziye Rehmîpor ku jinek xelkê herêma Gerûse ye, bal kişand ser girîngiya Newroza îsal û wiha got: “Ev cara yekem e li herêma me şahiyek wisa tê lidarxistin. Jinên Kurd her tim mil bi milê mêran kar kirine û zehmetî kişandine. Lidarxistina şahiyek bi vî awayî, derfeteke ji bo nîşandana çand û dîroka me ye.”