Yemen – Pêşîgirtin û astengkirina pêkanîna kampanyayên vakslêdanê yên birêkûpêk û awarte, hawirdorek îdeal ji bo belavbûna nexweşiyên weke kolerayê, taya dang û û dîfteriyê di nava şêniyên Yemenê de, bi taybetî di nava zarokan de ku herî zêde li hember enfeksiyonê meyildar in diafirîne.

Bi raporeke nû ya ji aliyê Health Cluster û Rêxistina Tendrustiyê ya Cîhanê ve duh hat weşandin, eşkere bû ku ji destpêka vê salê ve heta nîvê Tîrmehê nêzî 12 hezar bûyerên taya dang, kuxika reş û difteriyê, digel zêdetirî mirin 20 kesan bi van şewban ve girêdayî, hatine tomarkirin.

Jiyana bi hezaran kesan di xeterê de ye

Li gorî raporê Wezareta Tendrustiyê ya hikûmeta Hûsiyan a ku di asta navneteweyî de nayê naskirin, 11 hezar û 849 bûyerên gumanbar ên van hersê nexweşiyan, di nav de mirina 21 kesan, ragihand. Şewba dangê bi 7 hezar û 554 bûyerên gumanbar, di nav de 59 bûyerên ku ji hêla laboratûvarê ve hatine piştrastkirin û mirina pênc kesan, di serê lîsteya enfeksiyonan de bû. Bajarên Hudeyde, Hece û Reyme bi taybetî navçeyên El Hewak, El Halî û El Mîna li Hudeydayê, di serê lîsteya herêmên bandordar de bûn.

Ji bo kofikê jî 3 hezar û 797 rewşên gumanbar hatine tomarkirin, digel mirina çar kesan. Hejmara herî zêde ya enfeksiyonan li bajarên Saade, El Beyda û El Hudeyde, bi taybetî li navçeyên Heydan û Sehar ên Saade û El Metme ya El Cewfê bû.

Der barê dîfteriyê de, raporê destnîşan kir ku 498 rewşên gumanbar hatine tomarkirin, di nav de 12 mirin, rewşên herî giran li navçeyên Yarim (El Dhale'e), Damt (Ibb) û El Hali (El Hudeyde) belav bûn.

Astengkirina kampanyayên vakslêdanê

Rapor civaka navneteweyî ji ber bersiva sînordar berpirsyar dibîne, di heman demê de rasterast rexne li Hûsiyan dike ji ber ku ew berdewam astengî li pêşiya kampanyayên vakslêdanê yên li dijî van nexweşiyan dikin, tevî hebûna vakslêdanan ji rêxistinên navneteweyî.

Raporên NY’ê Hûsiyan bi belavkirina teoriyên komployê yên li ser vakslêdanan tawanbar dikin, wan wekî "ne ewle" yan "beşek ji komploya Siyonîst-Amerîkî" bi nav dikin û xetera belavbûna nexweşiyên vegirtî yên ku dikarin bi rêbazên hêsan û bi bandor werin kontrolkirin, zêde dikin.

Pisporên tendrustiyê destnîşan dikin ku pêşîgirtina li kampanyayên vakslêdanê yên birêkûpêk û awarte hawirdoreke îdeal ji bo vejîna nexweşiyên ku winda bûne yan kêm bûne diafirîne. Zarok û komên xeternak ên li van deveran dixe xetereyek mezintir.

Di nava van şert û mercan de, bangên ji bo zexta navneteweyî ya mezintir zêde dibin da ku rayedarên de facto neçar bikin destûrê bidin kampanyayên vakslêdanê yên lezgîn û bi hezaran kes ji mirinê rizgar bibin.