Navenda Nûçeyan- Zîvala Xezayê pitikek din a Filistînî ji ber rewşa xirab a mirovên koçber ku di şert û mercên zivistanê yên bi sir û seqem de di konan de dijîn, jiyana xwe ji dest da. Gel li herêmê bi mehan e bi xirabûna rewşa mirovî û tenduristiyê re têdikoşe.

Li Xezayê, pitikek sê mehî ya bi navê Elî Ebû Zur ji ber sermayê jiyana xwe ji dest da. Di konên penaberan de derfeta gerbûnê nîne, betanî û cil û bergên zivistanê jî netêrkêr e. Bi hezaran malbat ji ber şert û mercên hewayê di rewşekî zehmet de ne. Bi sed hezaran Filistînî, di konên bêparastin û xirab de dijîn; pergala tenduristiyê jî ji ber kêmbûna derman û pêdiviyan û qutbûna elektrîkê li ber hilweşînê ye.

Hişyariyên navneteweyî

Rêxistinên navneteweyî, hişyarî dabûn ku ji ber hewaya xirab, kêmbûna xurek, qirêjiya avê û nebûna xizmetên tenduristiyê wê mirina pitikên jidayikbûnê zêde bibe. Dorpêç û astengkirina amûrên alîkariyê, xetereyê hêj zêdetir dike.