Kobanê – Bi boneya 25'ê Mijdarê Roja Têkoşîna li dijî Tundiya li Jinê, mêr ên li kantona Firatê ya Bakûr û Rojhilatê Sûriye li Qada Jin a Azad a Kobanê li hev kom bûn û ber bi Qada Aştiyê ve meşiyan. Di meşê de wêneyên Rêberê gelê Kurd Abdullah Ocalan, alên Kongra Star û wêneyên pakrewanan hatin bilind kirin. Her wiha bê navber dirûşmeyên ‘Jin, Jiyan, Azad’ û ‘Bê Serok Jiyan Nabe’ hatin berz kirin. Meş bi dirûşmeya ‘Bi felsefeya Jin, Jiyan, Azadî xwe biparêze’ destpê kir.

‘Em ê têkoşîna xwe bighînin asta lûtkeyê’

Piştî ku meş giha Qada Aştiyê, deqeyek ji bo bîranîna cangoriyan rêz hate girtin. Piştre jî Cîgira Hevserokatiya Encûmena Cîbcîkar a Kantona Firatê Mizgîn Xelîl axivî û diyar kir ku wê asta têkoşîna xwe bilind bikin û wiha got: “Ji hersê xwişkên Mîrebal û heta têkoşerên jin ê ku bi xwîna xwe destan afirandin û nivîsandin, em wek jin em ê asta têkoşîna xwe heta dawiyê bilind bikin. Em ê bi Asya, Ronahî û heta Tara û Hêro em ê têkoşîna xwe ya heta hetayê bighînin asta lûtkeyê."

Meş bi dirûşmeyan bi dawî bû.