Navenda Nûçeyan – Hikûmeta demkî ya Sûriyeyê şaredarek ji bo bajaroka Çelebiyê ya bajarê Kobanê tayîn kir. Gel li hember vê biryarê nerazîbûn nîşan da û diyar kir ku ev nêzîkatî li dijî lihevkirinan e.

Bi dehan şêniyên bajaroka Çelebiyê li ber avahiya şaredariyê kom bûn û nerazîbûna xwe anîn ziman. Şêniyan diyar kir ku tayînkirin ne li gorî peymana di navbra QSD-Rêveberiya Xweser û hikûmeta demkî de ye, li gorî wê şênî herêmên xwe bi rê ve dibin û rêveberên xwe hildibijêrin.

Xwepêşandan asteng kirin û gule teqandin

Hêzên ewlekariya giştî yên girêdayî hikûmeta demkî daxuyanî û xwepêşandanê asteng kirin, gule teqandin û rê nedan ku çapemenî bûyerê bişopîne.