Navenda Nûçeyan- Li Fransayê di çalakiya cejna Muzîkê (Fête de la Musique) ku her sal di 21’ê Hezîranê de tê lidarxistin, êrîş li dijî jinan çêbû. 

Hat diyarkirin ku di dema çalakiyê de derzî li bedena 145 jinan hatiye dayîn û serlêdana polîsan kirine. Jinan diyar kir ku di dema konser û çalakiyan de, di jinan de di stuyê wan de şopên derziyan ferq kirine. Hat zanîn ku hinek jinan piştî êrîşê, ji ber gêjbûna serî, vereşan û ji ber ji ser hişê xwe çûne rakirine nexweşxaneyan.

Hê nayê zanîn ku madeyên di derziyan de çi ne, pisporan hişyarî dan ku dibe di nava derziyan de madeyên kîmyewî hebin. Hat zanîn ku têkildarî bûyerê 12 kes hatine binçavkirin.