Navenda Nûçeyan – Îro li ser hesabê telegramê xwendekarên Zanîngeha Tehranê "Yekîtiya Xwendekaran" ragihand ku ji hêla komîteya disîplînê ve gelek xwandekar ji bo cezayê disîplînê hatine gazîkirin.  

Li gorî rapora ku ji hêla Yekîtiya Xwendekaran ve hatiye weşandin, piştî gazîkirina berfireh a ji bo komîteya dîsîplînê, Zanîngeha Tehranê bi zêdetirî 10 xwendekaran re têkilî danî û wan agahdar kir ku lêpirsînên dîsîplînê hatine vekirin û ew bi tohmetên wekî "teşwîqkirina bêaramiyê û serhildanan" û "bûn hêmana sereke ya civînek neqanûnî" re rû bi rû ne.

Di raporê de tê gotin ku di van civînan de, ji xwendekaran hatiye xwestin ku parastinên xwe yên pêşîn bi rêya e-nameyê pêşkêş bikin û civîna komîteya dîsîplînê heta ku zanîngeh vegerin dersên rû bi rû hatiye paşxistin.

Yekîtiya Xwendekaran her wiha diyar kir ku ev bangkirin li dijî Rêziknameyên Dîsîplînê yên Hejmar 1403 ne. Li gorî rêziknameyan, divê sûcdarî bi şexsî, digel belgeyên piştgirî, werin pêşkêş kirin û xwendekar divê di rûniştina yekem de parastina xwe pêşkêş bike.

Wekî din, hate tekez kirin ku pêşkêşkirina sûcdariyan û daxwaza parastinek pêşîn bêyî pêşkêşkirina belgeyên piştgirî li dijî prosedurên rêziknameyên dîsîplînê ye.