Navenda Nûçeyan- Hejmara 179’an a Kovara Jinê ku her hefte roja Yekşemê tê weşandin, vê hefteyê bi berga ‘Jinên Êzidî: Ji Jenosîdê heta îradeya damezrîner’ derket pêşberî xwendevanên xwe. 

Di hejmara nû de jenosîda ku di 3’ê Tebaxa 2014’an de li Şengalê li dijî gelê Êzidî pêk hat; ji bilî komkujî, dîlgirtin, koçberkirina bi darê zorê û windabûnên ku jinan jiyane, bi berxwedan û îradeya damezrîner a jinên Êzidî yên ku bîranînê zindî dihêle, têkoşîna edaletê mezin dike, xweparastinê bi pêş dixe û jiyanê ji nû ve ava dike, bi aliyên cuda digre dest. Her wiha di kovarê de 5 dosyayên berfireh ên ji aliyên hiqûqî yên jenosîde bigre heta nîqaşên li ser rastiya jinan û jiyana azad jî cih digrin.

Hemû sernavên di hejmara nû de wiha ne:

*Ji Qada Şer ber bi Biryardariyê ve: Jinên Êzidî / Cemîle Turhalli

*Li Şengalê Piştî Jenosîdê Têkoşîna Jinên Êzidî ya Ji Nû Ve Avakirina Bîr û Jiyanê / Devrîm Demîr

*Kirdeyên ku ji Perçeyên Qirkirinê Şîn Dibin: Jinên Êzidî / Bêrîtan Zagros

*Sala 12’emîn a Salvegera Jenosîda Êzidiyan: Heta Edalet Neyê Pêkanîn Birîn Nayê Kewandin / Heval Arslan

*Ji Biyanîbûnê ber bi Rizgarbûnê ve: Heqîqeta Jinan û Îradeya Damezrîner / Wenda Dursend